Вы тут

Каму давераць незалежную ацэнку якасці адукацыі?


У Агенцтва па кантролі якасці адукацыі плануецца аб’яднаць дзве міністэрскія структуры: Дэпартамент кантролю якасці адукацыі і Рэспубліканскі інстытут кантролю ведаў. Пра гэта расказаў журналістам міністр адукацыі Ігар КАРПЕНКА.


Ён адзначыў, што якасць ведаў павінна вызначацца не толькі правядзеннем унутраных кантрольных мерапрыемстваў, але і ўдзелам у міжнародных праграмах па ацэнцы адукацыйных дасягненняў вучняў, такіх, напрыклад, як PISA. У наступным годзе беларускія школьнікі ўпершыню будуць “праэкзаменаваныя” па міжнародных індыкатарах якасці PISA нароўні са школьнікамі яшчэ больш чым з 70 краін. У прыватнасці, комплексныя тэсты PISA ацэньваюць не акадэмічны аб’ём ведаў, а тое, наколькі 15-гадовыя падлеткі гатовы прымяняць на практыцы атрыманыя ў школе веды. Міністр падкрэсліў, што гэта дазволіць нашай краіне звяраць свае крокі з сусветнай адукацыйнай прасторай.

Варта нагадаць, што падчас нядаўняга Рэспубліканскага педагагічнага савета абмяркоўваліся  перспектывы ўвядзення ў Беларусі незалежнай атэстацыі для выпускнікоў базавай школы, а таксама  змяненне формы атэстацыі выпускнікоў сярэдняй школы. Гэта будзе задачай Агенцтва па кантролі якасці адукацыі. Разам з тым міністр падкрэсліў, што ўсе пераўтварэнні неабходна праводзіць асцярожна, арыентуючыся на досвед правядзення ўступнай кампаніі ў ВНУ, у прыватнасці, на празрыстую і зразумелую ўсім сістэму ЦТ, якой у нашай краіне ўсе давяраюць.

Адказваючы на пытанні журналістаў наконт плануемай аптымізацыі ў сферы вышэйшай адукацыі, Ігар Карпенка патлумачыў, што аптымізацыя мае на ўвазе не скарачэнне, а сыход ад дубліравання шэрагу спецыяльнасцяў і закрыццё няпрофільных спецыяльнасцей у ВНУ.

— У нас сёння хіба што толькі самы лянівы не займаецца падрыхтоўкай юрыстаў і эканамістаў, а павінны быць пэўныя напрацоўкі, дзейнічаць навуковыя школы, якія змогуць забяспечыць якасную падрыхтоўку спецыялістаў, — адзначыў Ігар Карпенка. — Таксама неабходна ўлічваць патрэбы беларускай эканомікі: у першую чаргу трэба разглядаць тыя перспектыўныя спецыяльнасці, якія заўтра будуць запатрабаваныя на рынку працы і дадуць магчымасць спецыялісту з дыпломам уладкавацца і атрымліваць прыстойны заробак.

Па словах міністра, неабходна перагледзець і дубліраванне шэрагу спецыяльнасцей у сярэдніх спецыяльных і вышэйшых навучальных установах.

— Мы павінны ад гэтага адысці. Так, як гэта зроблена ў сістэме аховы здароўя, дзе спецыяліст з сярэдняй спецыяльнай медыцынскай адукацыяй не дубліруе, а дапаўняе спецыяліста з вышэйшай адукацыяй. Урач працуе ў кантакце з сярэднім медыцынскім персаналам, і яны разам рэалізуюць медыцынскую праграму, — растлумачыў Ігар Карпенка. —   А ў нас, напрыклад, тэхнолагаў рыхтуюць і ў сярэдніх спецыяльных, і ў вышэйшых навучальных установах. Трэба іх функцыі размежаваць, але гэта праблема ўжо не Міністэрства адукацыі, а міжведамасная праблема, якую неабходна вырашаць ва ўзаемадзеянні з міністэрствамі эканомікі, працы і сацыяльнай абароны.

Надзея НІКАЛАЕВА 

nikalaeva@zviazda.by

Дадаць каментар

Выбар рэдакцыі

Грамадства

На працягу стагоддзя «Звязда» застаецца зоркай беларускай перыёдыкі

На працягу стагоддзя «Звязда» застаецца зоркай беларускай перыёдыкі

Пра гэта ўчора казалі высокія госці на ўрачыстым мерапрыемстве, прымеркаваным да юбілею газеты.

Спорт

Анастасія Марыніна: Баскетбол 3х3 — гэта заўсёды відовішча

Анастасія Марыніна: Баскетбол 3х3 — гэта заўсёды відовішча

Гэта адзін з нямногіх гульнявых відаў спорту, што былі ўключаны ў праграму ІІ Еўрапейскіх гульняў. 

Грамадства

«Захад-2017». Постфактум

«Захад-2017». Постфактум

Задачы сумеснага стратэгічнага вучэння выкананы на высокім узроўні.

Грамадства

На Гродзеншчыне ўшанавалі хлеб, лён, бульбу, памідор і дуб

На Гродзеншчыне ўшанавалі хлеб, лён, бульбу, памідор і дуб

Самабытныя, смачныя і пазнавальна-творчыя святы адбыліся сёлета ў розных раёнах Гродзеншчыны.