Вы тут

Максімальная тэмпература ў сераду будзе толькі 14—21 цяпла


З сярэдзіны тыдня ў нашай краіне істотна пахаладае, паведамляе начальнік службы гідраметэаралагічных прагнозаў Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды Дзмітрый Рабаў.


Праз нашу краіну будзе праходзіць халодны атмасферны фронт. Услед за ім пачне паступаць халоднае паветра з паўночнага захаду Еўропы, што прывядзе да паніжэння тэмпературы, а парывісты паўночны вецер узмоцніць адчуванне холаду.

А сёння ў Беларусі будзе цёпла. У краіне захаваецца цёплая паветраная маса, а па захадзе адаб'ецца ўплыў атмасфернага фронту. Удзень па захадзе нашай тэрыторыі чакаюцца дажджы, у асобных раёнах навальніцы. Тэмпература паветра ўдзень будзе трымацца ад плюс
23 да плюс 29 градусаў, а ў заходніх раёнах ужо менш — 19—22 цяпла. Далей чакаецца пахаладанне. У сераду на большай частцы тэрыторыі краіны пройдуць кароткачасовыя дажджы, днём у асобных раёнах магчымы навальніцы. Тэмпература паветра ўначы складзе 11—18 цяпла, удзень — ад плюс 14 да плюс 21 градуса.

Атмасферныя франты ад цыклона над поўначчу Еўропы будуць кіраваць нашым надвор'ем у чацвер. Уначы ў асобных раёнах, а днём пераважна па паўночна-заходняй частцы краіны пройдуць кароткачасовыя дажджы. Удзень месцамі магчымы навальніцы, у многіх раёнах чакаецца ўзмацненне ветру парывамі да 15—18 м/с. Тэмпература паветра ўначы складзе 8—14 цяпла. Удзень будзе ад плюс 15 да плюс 22 градусаў, а на поўдні — да 24 цяпла.

У пятніцу стане яшчэ халадней. Тады ўначы і раніцай на большай частцы тэрыторыі, а удзень у асобных раёнах краіны пройдуць кароткачасовыя дажджы. У асобных раёнах месцамі навальніцы, пераважна па паўночнай частцы краіны чакаецца ўзмацненне ветру парывамі да 15—20 м/с. Тэмпература паветра ўначы складзе 9—16 цяпла, удзень — ад плюс 12 да плюс
18 градусаў, па поўдні — да плюс 20 градусаў.

Згодна з доўгатэрміновым прагнозам айчынных спецыялістаў, у суботу надвор'е будзе вызначаць вобласць паніжанага атмасфернага ціску. Уначы будзе пераважна без ападкаў, днём у асобных раёнах, у асноўным па захадзе, пройдуць кароткачасовыя дажджы. Уначы і раніцай чакаецца слабы туман. Тэмпература паветра ўначы складзе 5—11 цяпла. Удзень прагназуецца ад плюс 14 да плюс 20 градусаў, па поўдні — да 22 цяпла.

Сяргей КУРКАЧ

kurkасh@zvіаzdа.bу

Загаловак у газеце: Вецер з поўначы

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.