23 Люты, пятніца

Вы тут

Чым замяніць гной


Знаўцы сцвярджаюць, што сучасны гной насычаны стэроідамі, антыбіётыкамі і сінтэтычнымі гармонамі, што небяспечна для нашага здароўя. Таму замена гною на больш таннае і не менш эфектыўнае ўгнаенне — вельмі важнае пытанне для садаводаў.


Замест гною — кампост

Прыгатаваць замену гною можна ў звычайнай кампоставай яме. Дастаткова папаўняць яе выкарчаваным пустазеллем, папластова перасыпаць зямлёй, і праз паўгода будзе гатовы перагной, які па сваёй пажыўнасці не саступіць самаму лепшаму гною.

Каб кампост атрымаўся асабліва пажыўным, на кожны 1 м3 трэба ўнесці па 5 кг попелу і 500 г суперфасфату. У выніку атрымаецца не азотны кампост, а фосфарна-калійны. Такі кампост можна ўносіць нават восенню, паляпшаючы смак і лёжкасць пладоў.

Сідэраты — гной з каранямі

Яшчэ прасцей — пасеяць сідэраты. Іх нават не трэба разносіць па ўчастку. Дастаткова пасеяць і пару разоў паліць, і замена гною будзе гатовая да першых замаразкаў. Наогул сідэраты скошваюць у перыяд бутанізацыі, пасля чаго перакопваюць. Уплыў іх на глебу велізарны. Яна літаральна адразу становіцца больш рыхлай, чым да пасеву сідэратаў. Лепш для гэтых мэт выкарыстоўваць бабовыя культуры, якія дадаткова ўзбагачаюць глебу азотнымі ўгнаеннямі.

Вадкія падкормкі

У нейкай меры замяніць гной можна і вадкімі канцэнтраванымі падкормкамі: гуматам, гумінізіраванымі і гумінавымі ўгнаеннямі. Яны, акрамя гумінавых рэчываў, змяшчаюць калій і мікраэлементы. Таму іх унясенне звычайна суправаджаецца бурным ростам раслін.

Гумінавыя ўгнаенні можна купіць або прыгатаваць самім з кампосту. Для гэтага 3 кг кампосту настойваюць у 10 л вады 24 гадзіны, пасля чаго разводзяць у прапорцыі 1:20.

Вадкую падкормку рыхтуюць і са звычайнага пустазелля. Для чаго яго заліваюць вадой і пару тыдняў настойваюць у цёплым месцы. Пасля гэтага разводзяць у прапорцыі 1:20 і паліваюць такім растворам расліны. З травяным настоем трэба быць асцярожнымі, бо можна незнарок спаліць расліны пры няправільнай канцэнтрацыі раствору.

Дадаць каментар

Выбар рэдакцыі

Грамадства

Андрэй Раўкоў: Я не марыў быць генералам

Андрэй Раўкоў: Я не марыў быць генералам

Мiнiстр абароны — пра складаны шлях да генеральскiх пагонаў, перспектывы развiцця беларускай армii i мiрнае неба над галавой.

Палітыка

«Народны абраннік — гэта як рака паміж двума берагамі»

«Народны абраннік — гэта як рака паміж двума берагамі»

Пра асаблівасці дэпутацкай дзейнасці, працу з насельніцтвам і творчы настрой.

Грамадства

У госці да беларусачкі

У госці да беларусачкі

Васьмігадовая мадэль са Жлобіна любіць катацца на цягніку. А ў вольны час лепіць з бабуляй калдуны.

Грамадства

Іван Кірчук: Я 14 гадоў жыў адзін і больш не планаваў ніякай сям'і

Іван Кірчук: Я 14 гадоў жыў адзін і больш не планаваў ніякай сям'і

«Вой, Іван Іванавіч, а дзе ваша барада?» Само сабой вырвалася ў мяне гэтае пытанне, калі адчыніла дзверы ў этналабараторыю і ўбачыла лідара гурта «Этна-трыа «Троіца»...