Вы тут

Як не заблудзіць у лесе?


Цёплае надвор'е, якое прыйшло на змену дажджам, паспрыяла імкліваму росту грыбоў. Але зайшоўшы ў лес па баравікі, выбірацца з яго можна даволі доўга... Толькі ў Віцебскай вобласці за пазамінулыя суткі шукалі ажно шасцярых грыбнікоў.


— Двое мужчын згубіліся ў лесе каля вёскі Валатоўкі Расонскага раёна, — паведамілі ў прэс-службе Віцебскага абласнога ўпраўлення МНС. — А 18-гадовы юнак заблудзіў у Чашніцкім раёне. Трое грыбнікоў самі патэлефанавалі ратавальнікам, калі зразумелі, што выбрацца з гушчару яны не могуць. На шчасце, усе рабінзоны выйшлі з лесу самі, пачуўшы гук сірэн пажарных аўтамабіляў.

Як жа правільна паводзіць сябе ў лесе, пацікавіўся карэспандэнт «Звязды» ў прадстаўніка Мінскага абласнога ўпраўлення МНС Настассі Швайбовіч.

— Абавязкова апраніце што-небудзь яркае, каб вас пры неабходнасці можна было заўважыць з паветра. Перад выхадам у лес уважліва вывучыце карту мясцовасці. Калі вы дрэнна арыентуецеся, лепш не рызыкаваць і папрасіць суправаджаць вас таго, хто добра ведае мясцовыя лясныя масівы. Не забудзьцеся ўзяць з сабой компас і мінімальную аптэчку. Збіраючыся ў лес, звяртайце ўвагу на ўмовы надвор'я — у пахмурныя дні падарожжа ў ягады і грыбы лепш адмяніць. Раскажыце родным і блізкім пра тое, дзе вы будзеце заходзіць у лес, па якім маршруце пойдзеце і калі плануеце вярнуцца. Прыхапіце з сабой тэлефон, ваду, лекі, нож, запалкі, мінімальны запас ежы на той выпадак, калі вы заблудзіце.

А калі выйсці з лесу не атрымліваецца, то самае галоўнае — гэта не паддацца паніцы. У Беларусі няма лясоў, дзе на сотні кіламетраў навокал нельга сустрэць ніякіх прыкмет цывілізацыі. Паклічце на дапамогу: дзесьці побач могуць знаходзіцца леснікі ці грыбнікі, якія дапамогуць зарыентавацца на мясцовасці. Калі вам ніхто не адказаў і ў вас ёсць з сабой тэлефон, пазваніце па нумары 101 ці 112 і паведаміце, дзе вы заходзілі ў лес, куды збіраліся рухацца, і апішыце, што бачыце вакол. Прыслухайцеся — шум трактара чуваць
за 3—4 кіламетры, брэх сабакі — за 2—3 кіламетры, таварны цягнік — за 10 кіламетраў. Вашымі правадырамі на вялікую зямлю могуць стаць лініі электраперадачы, прасекі, сцяжынкі. Калі па дарозе сустрэўся ручай, то ідзіце ўніз па яго цячэнні.

Валяр'ян ШКЛЕННІК

schklennіk@zvіazda.by

Загаловак у газеце: Каб не заблудзіць у лесе

Дадаць каментар

Выбар рэдакцыі

Грамадства

На працягу стагоддзя «Звязда» застаецца зоркай беларускай перыёдыкі

На працягу стагоддзя «Звязда» застаецца зоркай беларускай перыёдыкі

Пра гэта ўчора казалі высокія госці на ўрачыстым мерапрыемстве, прымеркаваным да юбілею газеты.

Спорт

Анастасія Марыніна: Баскетбол 3х3 — гэта заўсёды відовішча

Анастасія Марыніна: Баскетбол 3х3 — гэта заўсёды відовішча

Гэта адзін з нямногіх гульнявых відаў спорту, што былі ўключаны ў праграму ІІ Еўрапейскіх гульняў. 

Грамадства

«Захад-2017». Постфактум

«Захад-2017». Постфактум

Задачы сумеснага стратэгічнага вучэння выкананы на высокім узроўні.

Грамадства

На Гродзеншчыне ўшанавалі хлеб, лён, бульбу, памідор і дуб

На Гродзеншчыне ўшанавалі хлеб, лён, бульбу, памідор і дуб

Самабытныя, смачныя і пазнавальна-творчыя святы адбыліся сёлета ў розных раёнах Гродзеншчыны.