Другі фестываль рэгіянальных тэлекампаній Беларусі і Расіі "Вобраз часу" пройдзе ў Мінску 15-16 верасня, паведаміл ў Міністэрстве інфармацыі.
Праграмай мерапрыемства прадугледжаны творчыя сустрэчы, круглыя сталы і майстар-класы з вядомымі замежнымі медыйнымі асобамі, наведванне знакавых аб'ектаў Мінска.
У мерапрыемстве прымуць удзел прадстаўнікі 17 рэгіянальных тэлекампаній з Беларусі і Расіі. Сярод іх тэлерадыёкампаніі "Брэст", "Віцебск", "Гомель", "Гродна", "Магілёў", "Тэлевізійная вяшчальная сетка" (тэлеканал "МКТВ" Маладзечна), ТРК "Пінск", Тэлекампанія "Шклоў", "Бранская губерня" (Бранск), ААТ "Абласное тэлебачанне" (Екацярынбург), медыягрупа "Каскад" (Калінінград) і іншыя.
У дні фестывалю праводзіцца конкурс рэгіянальных тэлепраектаў "Вобраз часу". Кампетэнтнае журы ацаніла больш за 30 прадстаўленых рэгіянальнымі тэлекампаніямі праектаў, розных па жанры і тэматычнай накіраванасці. Пераможцы і лаўрэаты конкурсу будуць названы 16 верасня на ўрачыстай цырымоніі.
Сярод галоўных мэтаў і задач фестывалю - умацаванне беларуска-расійскага супрацоўніцтва ў галіне развіцця інфармацыйнай прасторы Саюзнай дзяржавы, прыцягненне ўвагі рэгіянальных тэлекампаній Беларусі і Расіі да тэматыкі эканамічнага і сацыяльна-гуманітарнага супрацоўніцтва дзяржаў, пашырэнне прафесійных творчых кантактаў, падтрымка ініцыятыў, накіраваных на фарміраванне патрыятычных і духоўна-маральных каштоўнасцяў, садзейнічанне павышэнню асветніцкай і культурнай функцыі рэгіянальнага тэлебачання.
Фестываль арганізаваны Міністэрствам інфармацыі Беларусі пры падтрымцы Нацыянальнай дзяржаўнай тэлерадыёкампаніі, Інстытута журналістыкі Беларускага дзяржаўнага ўніверсітэта.
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.