18 Чэрвень, панядзелак

Вы тут

Рыжанкоў: Кніга з'яўляецца рухаючай сілай у развіцці грамадства


Кніга з'яўляецца галоўнай крыніцай ведаў і рухаючай сілай у развіцці грамадства. Аб гэтым заявіў сёння першы намеснік кіраўніка Адміністрацыі Прэзідэнта Беларусі Максім Рыжанкоў на ўрачыстым адкрыцці міжнароднага кангрэса "500 гадоў беларускага кнігадрукавання" ў Мінску.


Фота: БЕЛТА

Віншуючы ўдзельнікаў міжнароднага кангрэса і прадстаўнікоў Нацыянальнай бібліятэкі з 95-годдзем, Максім Рыжанкоў адзначыў, што бягучы год аб'яўлены Годам навукі не выпадкова, паколькі кніга на працягу ўсяго свайго існавання з'яўляецца галоўнай крыніцай ведаў і рухаючай сілай у развіцці грамадства.

Нацыянальная бібліятэка працуе, захоўваючы для будучых пакаленняў багатую і духоўна насычаную спадчыну ўсяго беларускага народа, падкрэсліў першы намеснік кіраўніка Адміністрацыі Прэзідэнта.

Максім Рыжанкоў зачытаў віншаванне кіраўніка дзяржавы Аляксандра Лукашэнкі. Нацыянальная бібліятэка па праву з'яўляецца галоўным асветным цэнтрам дзяржавы. Яна захоўвае мудрасць нацыі, культурнае багацце і культурную спадчыну. У век імклівага развіцця інфармацыйных тэхналогій кніга не толькі не страціла сваёй каштоўнасці, яна па-ранейшаму з'яўляецца крыніцай ведаў, гаворыцца ў віншаванні.

Амаль 600 дэлегатаў з 24 краін прымаюць удзел у міжнародным кангрэсе "500 гадоў беларускага кнігадрукавання" ў Мінску 14-15 верасня. Гэта вядомыя грамадскія і палітычныя дзеячы, дыпламаты, кіраўнікі і аўтарытэтныя спецыялісты навуковых, навучальных і культурных устаноў з Азербайджана, Арменіі, Беларусі, Балгарыі, Вялікабрытаніі, Германіі, Кітая, Польшчы, Расіі, Украіны, Чарнагорыі і іншых краін.

БЕЛТА

Дадаць каментар

Выбар рэдакцыі

Грамадства

Калі адукацыя «захрасне» ва ўчарашнім дні, лічбавае грамадства не свеціць

Калі адукацыя «захрасне» ва ўчарашнім дні, лічбавае грамадства не свеціць

Лічбавая трансфармацыя — не мода і не часовая з'ява.

Грамадства

Людзей палілі ў хляве, хто выбягаў — сустракалі агнём

Людзей палілі ў хляве, хто выбягаў — сустракалі агнём

Гэтымі днямі споўнілася 75 гадоў, як знішчылі жыхароў вёсак Любель-Поль і суседняй Вулькі Гарадзішчанскай. 

Эканоміка

Выбіраем недарагі і даступны крэдыт на жыллё

Выбіраем недарагі і даступны крэдыт на жыллё

Правілы гульні ў крэдыты змяніў Нацыянальны банк краіны. 

Калейдаскоп

У Наваполацку ўпершыню прайшоў канцэрт «Песня года»

У Наваполацку ўпершыню прайшоў канцэрт «Песня года»

Музычны тэлепраект «Песня года» тэлеканал АНТ ладзіць ужо 13 гадоў, пераняўшы традыцыю ў расійскага Першага канала.