Вы тут

Заўтра каналы Белтэлерадыёкампаніі прадставяць гледачам навінкі эфіру


Увечары 16 верасня ў інтэрактыўным шоу «Вялікае тэлебачанне. Новы сезон» усе каналы медыяхолдынга прадставяць гледачам навінкі свайго эфіру і «рэнавацыю» любімых праграм. Зрэшты, пра некаторыя разынкі ў тэлепірагу «Звязда» даведалася крыху раней.


Фота прэс-службы БТРК.

На «Беларусь 1» адной з галоўных прэм'ер сезона стане праект «Шчаслівы вечар», удзельнікі якога памераюцца творчымі здольнасцямі. Неўзабаве выйдзе ў эфір маштабны праект «Я ведаю!», які Белтэлерадыёкампанія рэалізуе сумесна з Міністэрствам адукацыі. У больш як 30 выпусках праграмы вучні 5—11 класаў з усіх рэгіёнаў пройдуць іспыты на эрудыцыю, кемлівасць і інтэлект, а 7 пераможцаў з кожнай паралелі атрымаюць дыпломы і каштоўныя падарункі для ўсяго класа. Вядучы праграмы «Пад ключ» Арцём Рыбакін абяцае дапамагчы тым, хто задумвае маштабную будоўлю і рызыкне даверыць гэтую справу тэлевізійнікам.

Тэлеканал «Беларусь 2» закупіў цэлы пакет свежых расійскіх і ўкраінскіх рэаліці-шоу, а яшчэ падрыхтаваў уласныя навінкі, у тым ліку шоу «Панаехалі 2. Канікулы ўсляпую», перафарматаваны маладзёжны праект «Пін_код» з новымі тэмамі і вядучымі, а таксама праект «Камень, нажніцы, папера», карэспандэнты якога ажывяць стары добры жанр «рэпарцёр атрымаў заданне», а хто якую ролю будзе выконваць, вызначыць дзіцячая гульня ў «камень-нажніцы-паперу». Асаблівасць праграмы — прамая сувязь з гледачамі праз Інстаграм, дзе можна будзе задаваць свае пытанні і прапаноўваць заданні для наступнага выпуску.

Сацыякультурны канал «Беларусь 3» традыцыйна не толькі і не столькі забаўляе, колькі адукоўвае гледачоў — так, ужо выйшлі першыя выпускі дакументальных праектаў «Запіскі на палях» і «Ліра», прысвечаныя беларускім пісьменнікам і кнізе, а праект «Беларусь як песня» знаёміць аўдыторыю з багатай палітрай беларускай эстрады 70—80-х гадоў мінулага стагоддзя. Не засталіся без увагі і аматары аўтарскай песні — ім адрасаваны суботнія канцэртныя праграмы «Мелодыі лета — 2017», запісаныя падчас сёлетняга фестывалю «Вялікая бард-рыбалка», а таксама прыхільнікі класікі, якія ўбачаць і пачуюць на «Вечарах Вялікага тэатра ў палацы Радзівілаў» сусветныя шэдэўры оперы і балета. У кастрычніку тэлеканал прадставіць яшчэ адну навінку — фальклорнае шоу «Хата на хату», у якім цэлыя сем'і будуць спаборнічаць у вакальным майстэрстве.

Што да «Беларусь 5», то яго новая праграма «Агнявы рубеж» прысвечана... правільна, біятлону. Эксклюзіўныя інтэрв'ю з легендарнымі спартсменамі, экспертныя меркаванні, адметнасці біятлонных трас — вось далёка не поўны пералік тэм праекта. Цыкл праграм «Трэніровачны дзень» вернецца ў эфір і раскажа пра падрыхтоўку нашых спартсменаў да Алімпіяды-2018. Да таго ж тэлеканал неўзабаве пачне паказваць не толькі дакументальныя, але і мастацкія фільмы пра спорт.

Вікторыя ЦЕЛЯШУК

tselyashuk@zviazda.by

Загаловак у газеце: Вялікае адкрыццё

Выбар рэдакцыі

Грамадства

Аповед жанчыны, якая здолела вярнуць дачку з сацыяльнага прытулку

Аповед жанчыны, якая здолела вярнуць дачку з сацыяльнага прытулку

Жанчыну, якая здолела не толькі вярнуць дзіця з прытулку, але і далей выхоўвае яго, знайсці аказалася не проста. 

Грамадства

Чаму зараз варта далей трымацца ад вадаёмаў?

Чаму зараз варта далей трымацца ад вадаёмаў?

Люты больш нагадвае пазачарговы вясновы месяц.

Грамадства

Капыльскі раён. Мінулы год можна назваць стабільным

Капыльскі раён. Мінулы год можна назваць стабільным

Чым Капыльскі раён жыве сёння і якія планы на перспектыву?

Грамадства

Якую літаратуру здаюць у букіністычныя крамы?

Якую літаратуру здаюць у букіністычныя крамы?

Калі звычайныя кнігарні працуюць па формуле «кніга — чалавек», то букіністычныя трымаюцца на прынцыпе «людзі — кнігі — людзі».