Вы тут

Андрэй Худык: Праца метэаролагаў будзе паляпшацца


Андрэй Худык назначаны міністрам прыродных рэсурсаў і аховы навакольнага асяроддзя. Адпаведнае кадравае рашэнне прыняў сёння Прэзідэнт Беларусі Аляксандр Лукашэнка.


Андрэй Паўлавіч Худык нарадзіўся ў 1959 годзе ў вёсцы Астраўчане Камянец-Падольскага раёна Хмяльніцкай вобласці Украіны.

У 1987 годзе скончыў Ленінградскі ордэна Працоўнага Чырвонага Сцяга сельскагаспадарчы інстытут. У 2006 годзе - Расійскую акадэмію дзяржаўнай службы пры Прэзідэнце Расійскай Федэрацыі (перападрыхтоўка).

Працоўную дзейнасць пачаў у 1977 годзе электраслесарам па рамонце электраабсталявання Камянец-Падольскага цэментнага завода.

З 1978 па 1980 год служыў у радах Савецкай Арміі.

Затым працаваў на розных пасадах на сельгаспрадпрыемствах Гродзенскай вобласці. У 1988-1999 гадах - старшыня калгаса імя Кірава Іўеўскага раёна Гродзенскай вобласці. У далейшым кіраваў Браслаўскім аграпрамысловым камбінатам у Віцебскай вобласці.

2001-2002 гады - першы намеснік старшыні - начальнік упраўлення сельскай гаспадаркі і харчавання Ваўкавыскага райвыканкама Гродзенскай вобласці. З 2002 па 2011 год па чарзе ўзначальваў Дзятлаўскі і Лідскі райвыканкамы. 2011-2013 гады - намеснік старшыні Гродзенскага аблвыканкама. З 2013 па 2014 год - старшыня Гродзенскага гарвыканкама.

З 2014 года да гэтага часу працаваў на пасадзе намесніка кіраўніка спраў Прэзідэнта Беларусі.


Міністэрства прыродных рэсурсаў і аховы навакольнага асяроддзя мае намер наладзіць больш якасную працу ў гідраметэаралагічнай сферы. Пра гэта заявіў сёння журналістам новы кіраўнік ведамства Андрэй Худык.

"Кіраўнік дзяржавы паставіў задачу наладзіць больш якасную працу ў гідраметэаралагічнай дзейнасці. Часта даводзілася чуць ад насельніцтва крытыку ў адрас недакладных прагнозаў надвор'я. Напэўна, праблема сапраўды мае месца. Ёсць прыклады ў тым ліку і ў нашай краіне, дзе гэтая праца сёння выконваецца больш якасна. таму над гэтым пытаннем будзем працаваць", - сказаў Андрэй Худык.

Паводле яго слоў, перш за ўсё будзе звернута ўвага на ўзровень спецыялістаў, забяспечанасць тэхнічным абсталяваннем, метады і формы работы. "Безумоўна, не ўсе самыя дасканалыя у свеце тэхналогіі прымяняюцца ў нас. Але калі ўжываюцца, тады мы павінны гэтак жа, як і некаторыя краіны, якія больш дакладна прадказваюць прагноз надвор'я, выдаваць сёння якасць гэтай інфармацыі для насельніцтва і ў цэлым для эканомікі краіны" , - адзначыў кіраўнік ведамства.

Пры гэтым Андрэй Худык звярнуў увагу, што прадказаць надвор'е са стоадсоткавай верагоднасцю немагчыма, у шэрагу дзяржаў гэта робяць з дакладнасцю да 95%. "Мы павінны браць з іх прыклад", - рэзюмаваў ён.

БЕЛТА

Выбар рэдакцыі

Грамадства

«Догляд займае не больш за хвіліну». Як правяраюць наведвальнікаў перад уваходам у фан-зону?

«Догляд займае не больш за хвіліну». Як правяраюць наведвальнікаў перад уваходам у фан-зону?

Пералік рэчаў, забароненых да праносу, змешчаны на ўваходзе ў кантрольна-прапускны пункт.

Эканоміка

Што мы купляем праз інтэрнэт, і чаму айчынны гандаль у сеціве прайграе

Што мы купляем праз інтэрнэт, і чаму айчынны гандаль у сеціве прайграе

Электронны гандаль у нашай краіне працягвае расці. 

Грамадства

Мінчанка трымае ў аднапакаёвай кватэры жывога пітона

Мінчанка трымае ў аднапакаёвай кватэры жывога пітона

У Машы Афанасій жыве каля года. Такі незвычайны падарунак ёй зрабіў сябар.