Вы тут

Як праходзіць міжнародны кангрэс да юбілею беларускага кнігадрукавання


Прадстаўнікі розных краін прымаюць удзел у Міжнародным кангрэсе «500 гадоў беларускага кнігадрукавання», які ўчора і сёння адбываецца ў Нацыянальнай бібліятэцы Беларусі. Дзякуючы міністру замежных спраў Уладзіміру Макею і Надзвычайнаму і Паўнамоцнаму Паслу Беларусі ў Францыі Паўлу Латушку дзея праходзіць пад патранатам ЮНЕСКА.


На ўрачыстым адкрыцці міжнароднага кангрэса першы намеснік кіраўніка Адміністрацыі Прэзідэнта Беларусі Максім Рыжанкоў адзначыў, што кніга з'яўляецца галоўнай крыніцай ведаў і рухаючай сілай у развіцці грамадства. Таксама ён павіншаваў прадстаўнікоў Нацыянальнай бібліятэкі з 95-годдзем іх установы і адзначыў, што яна працуе, захоўваючы для будучых пакаленняў багатую і духоўна насычаную спадчыну ўсяго беларускага народа. Максім Рыжанкоў зачытаў віншаванне кіраўніка краіны Аляксандра Лукашэнкі, дзе гаворыцца, што Нацыянальная бібліятэка па праве з'яўляецца галоўным цэнтрам асветы нашай дзяржавы.

— Сёння Нацыянальная бібліятэка паспяхова сумяшчае лепшыя традыцыі работы з чытачамі і найноўшыя тэхналогіі бібліятэчнай справы, — адзначыў міністр культуры Беларусі Барыс СВЯТЛОЎ. — Радуюць поспехі па папулярызацыі чытання і трансляцыі духоўных каштоўнасцяў. Вы з'яўляецеся неад'емным звяном усёй бібліятэчнай справы і заўсёды адкрыты для супрацоўніцтва.

Тое, што кніга па-ранейшаму займае важнае месца ў жыцці беларусаў, пацвердзіла і міністр інфармацыі Лілія АНАНІЧ:

— Гісторыя беларускай кнігі самым непасрэдным чынам звязана з сучасным кнігавыданнем. Традыцыі мінулых стагоддзяў, нязгаснае святло Францыска Скарыны з'яўляюцца для нас тым грунтам, на якім выбудоўваецца нацыянальнае кнігавыданне, тым фундаментам, што дапамагае ўмацоўваць суверэнную і незалежную Беларусь.

Каля 600 дэлегатаў з 24 краін, якія прысутнічаюць на кангрэсе, як адзначыў дырэктар Нацыянальнай бібліятэкі Раман Матульскі, — гэта вядомыя грамадскія і палітычныя дзеячы, дыпламаты, кіраўнікі і аўтарытэтныя спецыялісты навуковых, навучальных і культурных устаноў з Азербайджана, Арменіі, Беларусі, Балгарыі, Вялікабрытаніі, Германіі, Кітая, Польшчы, Расіі, Украіны, Чарнагорыі і іншых краін.

У Нацыянальнай бібліятэцы распачала работу і ўнікальная міжнародная выстава «Францыск Скарына і яго эпоха». Там можна ўбачыць арыгіналы і факсіміле першадрукаў XV — XVІІ стагоддзяў, прывезеныя з іншых краін. З Германіі, напрыклад, дастаўлена 42-радковая Біблія Іагана Гутэнберга 1450-х гадоў. Цэнтральнае месца адведзена арыгінальным выданням Францыска Скарыны з фондаў Нацыянальнай бібліятэкі Беларусі, якія ўбачылі свет у Празе і Вільні ў 1517—1525 гадах. Выстава будзе працаваць да 31 снежня.

Ніна ШЧАРБАЧЭВІЧ

nina@zviazda.by

Фота Яўгена ПЯСЕЦКАГА

Загаловак у газеце: Святло Скарыны

Выбар рэдакцыі

Эканоміка

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Магілёўскі прадпрымальнік — пра вытворчасць на перыферыі і адказнасць перад сабой і людзьмі

Сідаравічы — невялікі аграгарадок паміж Магілёвам і Быхавам. Менавіта тут знаходзіцца вядомая ў Магілёўскім раёне фермерская гаспадарка Сяргея Куцанава.

Грамадства

Ігар Карпенка: Адукацыя — гарант сацыяльнай стабільнасці ў грамадстве

Ігар Карпенка: Адукацыя — гарант сацыяльнай стабільнасці ў грамадстве

Аб прыярытэтах у адукацыі, вопыце работы ва ўмовах пандэміі каранавіруса і ідэалагічным складніку ў выхаванні мы задалі пытанні міністру адукацыі нашай краіны Ігару Карпенку.

Жыллё

Пажылыя людзі не могуць пераехаць з аварыйнага жылля у нармальнае. Чаму?

Пажылыя людзі не могуць пераехаць з аварыйнага жылля у нармальнае. Чаму?

Дом №76 па вул. Валгаградскай у Мінску быў прызнаны аварыйным яшчэ ў нулявых.

Грамадства

Cтаршыня Мінскага гарадскога Савета дэпутатаў Андрэй Бугроў пра тое, як будзе развівацца сталіца

Cтаршыня Мінскага гарадскога Савета дэпутатаў Андрэй Бугроў пра тое, як будзе развівацца сталіца

На VІ Усебеларускім народным сходзе тэме развіцця Мінска на наступныя пяць гадоў было аддадзена шмат увагі.