Вы тут

Сіноптыкі абяцаюць 17 і 18 верасня моцныя ліўні, ды і цёпла ўначы


Так, сапраўды зараз багата ў кошыку пасля палявання па лесе. А далей будзе яшчэ больш. А ўсё таму, што дажджлівае надвор'е працягваецца і на гэтыя выхадныя, паведамляе начальнік службы гідраметэаралагічных прагнозаў Рэспубліканскага цэнтра па гідраметэаралогіі, кантролі радыеактыўнага забруджвання і маніторынгу навакольнага асяроддзя Мінпрыроды Дзмітрый Рабаў.


У пятніцу ў нас захаваецца няўстойлівае надвор'е, калі на тэрыторыі Беларусі будуць гаспадарыць атмасферныя франты і халодная паветраная маса. На большай частцы пройдуць кароткачасовыя дажджы. Днём у многіх раёнах чакаецца ўзмацненне ветру парывамі да 15—20 м/с. Максімальная тэмпература паветра складзе плюс 13—19 градусаў. У першы дзень выхадных — у суботу надвор'е крыху палепшыцца. Стане сонечна, а ўвогуле будзе гаспадарыць зона павышанага атмасфернага ціску. Толькі ўдзень на паўднёва-заходняй частцы краіны адаб'ецца ўплыў франтальнага падзелу, які перамяшчаецца з паўднёвага захаду Еўропы. Уначы будзе без ападкаў, а ўдзень пераважна па паўднёва-заходняй частцы Беларусі пройдуць кароткачасовыя дажджы. Уначы і раніцай у асобных раёнах чакаецца туман. Тэмпература паветра ўначы складзе ад плюс 6 да плюс 11 градусаў, удзень — 15—22 цяпла.

У нядзелю і панядзелак надвор'е ізноў сапсуецца. А прынясуць дажджы атмасферныя франты, якія перамяшчаюцца з паўднёвага захаду Еўропы. У нядзелю на большай частцы тэрыторыі краіны пройдуць кароткачасовыя дажджы, магчымы навальніцы, днём у асобных раёнах Брэсцкай і Мінскай абласцей чакаюцца моцныя дажджы. Тэмпература паветра ўначы складзе ад плюс 9 да плюс 15 градусаў, удзень ізноў 15—22 цяпла. Па паўднёвым усходзе прагназуецца крышку цяплей: удзень будзе ад плюс 23 да плюс 28 градусаў.

Дрэннае надвор'е будзе і ў панядзелак. Тады на большай частцы тэрыторыі краіны пройдуць кароткачасовыя дажджы, уначы ў асобных раёнах моцныя дажджы. Па паўночна-заходняй частцы Беларусі прагназуецца ўзмацненне ветру парывамі да 15—20 м/с. Тэмпература паветра ўначы складзе ад плюс 10 да плюс 17 градусаў, а ўдзень 15—21 цяпла.

Сяргей КУРКАЧ

kurkасh@zvіаzdа.bу

Загаловак у газеце: Грыбоў будзе хоць заваліся

Выбар рэдакцыі

Культура

У нядзелю яўрэі святкуюць Новы год дрэў

У нядзелю яўрэі святкуюць Новы год дрэў

На гэта свята асаблівым чынам спажываюць розную садавіну, запіваючы келіхамі добра разбаўленага віна.

Грамадства

Як задаволіць кадравы голад у сферы ІТ?

Як задаволіць кадравы голад у сферы ІТ?

Работадаўцы кажуць, што быць добрым праграмістам і ўмець пісаць код для эфектыўнай работы ўжо недастаткова.

Культура

Балельшчыкі II Еўрапейскіх гульняў ужо рэзервуюць вясковыя гатэлі

Балельшчыкі II Еўрапейскіх гульняў ужо рэзервуюць вясковыя гатэлі

«Адышоў час, калі гасцям патрэбныя былі толькі «чарка і скварка», ім ужо цікавыя музеі, культурная праграма».