19 Люты, панядзелак

Вы тут

Эла Якубоўская: «Звязда» заўсёды для мяне цікавая і актуальная!


Эла ЯКУБОЎСКАЯ, настаўнік фізікі жодзінскай гімназіі №1, настаўнік-метадыст:


Са “Звяздой” я знаёмая ўжо многа гадоў,  і хачу адзначыць, што яна заўсёды для мяне цікавая і актуальная! Па-першае, усе падзеі, што адбываюцца ў нашай краіне, абавязкова знаходзяць адлюстраванне на яе старонках, прычым, на беларускай мове, што для мяне надзвычай важна.

Па-другое, у нашай сям’і два педагога (я і муж), і мы, як людзі, якія працуюць у школе, вельмі любім чытаць пра сваіх калег, даведвацца пра іх думкі па тых ці іншых актуальных пытаннях, якія сёння ва ўсіх на слыху: ад падыходаў да ацэньвання дасягненняў вучняў -- да атэстацыі педагогаў. І, што нам імпануе, “Звязда” не спрабуе штосьці завуаліраваць, а называе рэчы сваімі імёнамі, калі ёсць праблема – значыць, яе трэба абмяркоўваць, нават калі пазіцыя педагогаў і не супадае з афіцыйнай..  

Некалькі гадоў таму я была дэлегатам ІІІ з’езда настаўнікаў СНД, які праходзіў у Мінску. Усіх удзельнікаў з’еду зачапіла выступленне міністра адукацыі і навукі Арменііі Армена Ашацяна, памятаю, што зала яму доўга апладзіравала. Але адна справа -- паслухаць, а іншая – паўтарыць пачутае. Пачалі з калегамі шукаць артыкулы са з’езду ў СМІ і высветлілася, што толькі “Звязда” працытавала яго даслоўна: ”Настаўнік не з'яўляецца героем дня, па-мойму, ні ў адной з былых постсавецкіх рэспублік. Ствараецца ўражанне, што ў нашых краінах адукацыя пераўтварылася ў “свяшчэнную карову”, на якую зрэдку моляцца, дрэнна яе кормяць, але кожны імкнецца надаіць паболей. Існуе бездань паміж дэклараванай каштоўнасцю адукацыі і стаўленнем да яе з боку грамадства і ўрада. Для ўрада адукацыя — адна з важных сацыяльных сфер, дзе трэба рабіць папулісцкія заявы і падкрэсліваць яе важнасць для развіцця дзяржавы. Як правіла, недахоп фінансавання кампенсуецца празмернай публічнай рыторыкай”. Мы з калегамі гэтыя вельмі трапныя словы занатавалі і пастаянна да іх звяртаемся.

Увогуле, самыя аператыўныя рэпартажы з важных педагагічных форумаў, апошнія звесткі падчас уступнай кампаніі, абмеркаванне законапраектаў я шукаю  менавіта на старонках маёй “Звязды”.

Па-трэцяе, у газеце працуюць таленавітыя журналісты. А калі артыкул піша асоба, індывідуальнасць, то заўсёды цікава чытаць такі матэрыял, няхай нават у ім і выкладзены досыць спрэчны погляд. Тут жа пачынаеш шукаць свае аргументы, завочна спрачацца… 

Журналісты “Звязды” ніколі не апускаецца да ўзроўню плётак, скандалаў, чутак і абраз вядомых людзей мастацтва, кіно, палітыкі ці эстрады. “Звязда” абмяркоўвае вострыя пытанні і цяжкія тэмы на даступнай і зразумелай мове.  Яна імкнецца быць блізкай сваім чытачам. Але разам з тым, ты адчуваеш, што расцеш, пашыраеш свой кругагляд, асабліва калі чытаеш краязнаўчыя артыкулы або артыкулы ў “Жырандолі”. “Замшэласць” розуму чытачам “Звязды” дакладна не пагражае…Гэта газета, найперш, для тых, хто думае… 

Запісала Надзея НІКАЛАЕВА

nikalaeva@zviazda.by

Загаловак у газеце: Без залішняй публічнай рыторыкі

Каментары

Згодная з Элай цалкам

Дадаць каментар

Выбар рэдакцыі

Палітыка

Прэзідэнт паўдзельнічаў у выбарах і адказаў на пытанні журналістаў

Прэзідэнт паўдзельнічаў у выбарах і адказаў на пытанні журналістаў

За каго аддаць свой голас, якога кандыдата лепей абраць у дзень выбараў у мясцовыя Саветы дэпутатаў? 

Калейдаскоп

Як прайшоў фінал нацыянальнага адбору на «Еўрабачанне»

Як прайшоў фінал нацыянальнага адбору на «Еўрабачанне»

Беларусь на конкурсе прадставіць украінец ALEKSEEV.

Культура

«Бум культурных стартапаў стане новым вітком эканомікі»

«Бум культурных стартапаў стане новым вітком эканомікі»

Некалькі месяцаў таму адна з найпапулярнейшых сталічных вуліц Кастрычніцкая ўзбагацілася на яшчэ адно «тусовачнае» месца — «Ок16».

Калейдаскоп

Вясёлыя гісторыі чытачоў

Вясёлыя гісторыі чытачоў

Праславіў Някрасаў рускую жанчыну, на вякі праславіў!