У Магілёўскай вобласці згубіліся чацвёра, а ў Віцебскай — адразу дзявяцера грыбнікоў, паведамілі ў Міністэрстве па надзвычайных сітуацыях.
У Магілёўскай вобласці ў 16.40 паступіла паведамленне аб прапаўшай у лясным масіве каля вёскі Вішнёўка 54-гадовай жанчыне. А ў 19.30 прыйшлі аналагічныя звесткі пра трох грыбнікоў, якія згубіліся ў лясным масіве каля вёскі Боркі-1. У пошукавых работах былі задзейнічаныя супрацоўнікі міліцыі і работнікі МНС. У 17.30 ратавальнікі знайшлі жанчыну, а ў 21.30 — трох іншых грыбнікоў.
Больш за ўсё заблукаўшых было ў Віцебскай вобласці. У 17.00 ратавальнікам паведамілі пра двух грамадзян, якія прапалі ў лясным масіве каля вёскі Кабішча Гарадоцкага раёна. Сувязь з 65-гадовым мужчынам і з яго 54-гадовай жонкай падтрымлівалася па тэлефоне. У 21.30 яны былі знойдзеныя.
У 19.40 аршанскім ратавальнікам стала вядома пра дзвюх жанчын і мужчыну, якія зніклі ў лесе каля вёскі Светачоўка. На пошукі выехалі ратавальнікі і супрацоўнікі РАУС. У 20.57 грыбнікі выйшлі на гукавую сірэну і светлавыя сігналы работнікаў МНС.
Да цемры блукалі грыбнікі ў Дубровенскім раёне. У 20.27 паступіла паведамленне пра зніклых каля вёскі Кіраёва трох пенсіянерак. А ў 21.20 аналагічная інфармацыя прыйшла з вёскі Анціпенкі, у лесе каля якой заблукаў 70-гадовы мужчына. У 22.02 тры жанчыны выйшлі з лесу на сірэну ратавальнікаў, а ў 22.17 на святло і гук аўтацыстэрны — зніклы мужчына. Ва ўсіх выпадках дапамога медыкаў грыбнікам не спатрэбілася.
Акрамя таго, на Магілёўшчыне працягваюцца пошукі мінчанкі 1963 года нараджэння і 53-гадовага мужчыны, які сышоў у лес у грыбы на Віцебшчыне.
Сяргей РАСОЛЬКА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».