У БДУ працуюць 13 такіх школ. “Школа юнага хіміка” і “Школа географаў, краязнаўцаў і геолагаў” чакаюць вучняў 7-11-х класаў. Слухачамі “Школы юнага біёлага” могуць стаць старшакласнікі. На факультэце міжнародных адносін навучэнцы змогуць прайсці навучанне ў “Школе будучага лагіста-міжнародніка”, а таксама ў “Школе будучага мытніка” .
Вочна-завочная фізіка-матэматычная школа арганізавана на фізічным факультэце для вучняў выпускных класаў, а пры механіка-матэматычным факультэце працуе для школьнікаў 5-11-х класаў “Школа юнага матэматыка”. Факультэт прыкладной матэматыкі і інфарматыкі арганізуе для вучняў 5-11-х класаў “Школу юных матэматыкаў, інфарматыкаў, фізікаў” з вячэрняй формай навучання і “Вочна-завочную школу па матэматыцы і інфарматыцы”.
Школьнікаў 9-11-х класаў запрашае “Школа юнага філосафа” пры факультэце філасофіі і сацыяльных навук, а вучняў 7-11-х класаў чакаюць у “Школе юных гісторыкаў” на гістарычным факультэце.
Для вучняў выпускных класаў пры факультэце радыёфізікі і камп'ютарных тэхналогій будзе працаваць “Школа радыёфізіка”, а пры Інстытуце журналістыкі — “Школа маладога журналіста”.
Надзея НІКАЛАЕВА
Як мы бярозавік куплялі на гандлёвай пляцоўцы лясгаса і ў лясніцтве
Творчая вечарына народнага артыста Беларусі прайшла ў адной з мінскіх гімназій.