Вы тут

У аграгарадку Слабада Смалявіцкага раёна адзначылі «Дажынкі-2017»


Урачыста і адначасова весела адзначылі жыхары Смалявіцкага раёна і шматлікія госці «Дажынкі-2017», якія прайшлі ў аграгарадку Слабада. Арганізатары пастараліся, каб ніхто ў гэты дзень не сумаваў. Раніцой на канцэртнай пляцоўцы выступілі народныя фальклорныя калектывы — для людзей сталага і пажылога ўзросту. Паралельна працавала зона для дзяцей — гульнявы гарадок, батуты, атракцыёны, аніматары. Малыя частаваліся салодкай ватай і папкорнам.


Не абышлося, як звычайна, без гумару. Напрыклад, адзін з персанажаў — Сымоніха, летась прыехала на фестываль на веласіпедзе, а ў гэтым — прыляцела на верталёце. Спускаўся з яго парашутыст у народным касцюме, а выбегла на сцэну ўжо актрыса — мастацкі кіраўнік Смалявіцкага гарадскога Дома культуры Наталля Вінцукевіч.

Удзел у свяце прынялі найлепшыя творчыя калектывы раёна, а таксама госці: сталічны арт-гурт «Маракасы», гурт «Дразды», экс-саліст ансамбля «Песняры» Валерый Скаражонак.

У межах «Дажынак» адбыўся і раённы этап спаборніцтва маладых сем'яў «Уладар сяла», якія прадставілі свае «візітоўкі» на беларускай мове. Праграма прадугледжвала таксама шмат конкурсаў: «Сялянская эстафета», «Па дровы» і іншыя.

Таццяна ЛАЗОЎСКАЯ

lazovskaya@zviazda.by

Загаловак у газеце: Сымоніха з верталёта

Выбар рэдакцыі

Грамадства

«Тут у некаторых па дзве вышэйшыя адукацыі». Расказваем, як і чым харчуюцца бяздомныя

«Тут у некаторых па дзве вышэйшыя адукацыі». Расказваем, як і чым харчуюцца бяздомныя

Яны з розных прычын засталіся без дому і сродкаў на пражыванне.

Грамадства

Што такое «ціхі» інфаркт, і каму ён пагражае

Што такое «ціхі» інфаркт, і каму ён пагражае

Расказала ўрач Наталля Карпук.

Грамадства

Работа па вяртанні імёнаў ахвяр канцлагера Штутгаф не спыняецца

Работа па вяртанні імёнаў ахвяр канцлагера Штутгаф не спыняецца

Імя адбіралі: калі ў рэгістрацыйны барак уваходзіў чалавек, то ўжо з наступных дзвярэй выходзіў нумар.

Жыллё

Як даказаць, што сусед сочыць за вамі, а не за злодзеямі

Як даказаць, што сусед сочыць за вамі, а не за злодзеямі

Падобныя звароты ад фізічных асоб — не рэдкасць.