26 Верасень, серада

Вы тут

Адкрываецца выстаўка конкурсу дзіцячага малюнка “PRO навуку”


З 21 верасня па 15 кастрычніка лепшыя работы гэтага незвычайнага конкурсу будуць прадстаўлены ў Нацыянальным цэнтры мастацкай творчасці дзяцей і моладзі. У конкурсе, арганізатарам якога выступілі цэнтр мастацкай творчасці і Савет маладых вучоных Нацыянальнай акадэміі навук, прынялі ўдзел больш як 700 юных прадстаўнікоў устаноў адукацыі ва ўзросце ад 4 да 16 гадоў з усіх рэгіёнаў Беларусі. Паводле задумы, конкурс павінен быў абудзіць у яго ўдзельнікаў цікавасць да каштоўнасці навуковых ведаў і ролі навукі ў паўсядзённым жыцці.


Усяго на выставе прадстаўлена больш за 300 жывапісных і графічных работ, інсталяцыі ў намінацыях “Касмічнае падарожжа”, “Тэхнічная эвалюцыя”, “Робататэхніка”, “IT-адкрыцці”, “Займальная навука", "Імёны", "Беларуская навука: ад Інбелкульта да нанатэхналогій» .

Дзіцячыя малюнкі прысвечаны розным абласцях прыродазнаўчых навук: астраноміі, біялогіі, медыцыне, фізіцы, хіміі, матэматыцы, заалогіі, батаніцы, інфарматыцы і іншым, а таксама людзям, якія прысвяцілі сваё жыццё навуцы, адкрыццяў і дасягненням беларускіх вучоных у розных галінах навукі.

Дзіцячыя работы раскрываюць ўяўленне вучняў аб палётах да далёкіх планет, пра міжпланетны транспарт і касмічныя прыгоды, новыя тэхнічныя адкрыцці, разнастайныя механізмы і машыны, якімі ў будучым зможа карыстацца кожны. Малюнкі знаёмяць з робатамі: вытворчымі, будаўнічымі, медыцынскімі, хатнімі, робатамі-навукоўцамі, якія, магчыма, хутка стануць рэальнасцю.

У рамках адкрыцця выставы, якое адбудзецца 21 верасня ў 16.00, пройдзе хімічнае шоу парку цудаў “Эврыкум”.

Надзея НІКАЛАЕВА 

Дадаць каментар

Выбар рэдакцыі

Грамадства

Чым здзівіў сёлета «Кліч Палесся»

Чым здзівіў сёлета «Кліч Палесся»

Этнафэст стаў вядомым далёка за межамі Беларусі. 

Спорт

Цырымонія развітання з Анатолем Капскім прайшла ў «Барысаў-Арэне»

Цырымонія развітання з Анатолем Капскім прайшла ў «Барысаў-Арэне»

Грамадзянская паніхіда працягвалася больш за дзве гадзіны ў "Барысаў-Арэне".

Грамадства

75 год таму пачалося вызваленне Беларусі

75 год таму пачалося вызваленне Беларусі

23 верасня 1943 года, савецкімі войскамі быў вызвалены ад нямецка-фашысцкіх захопнікаў першы населены пункт Беларусі — раённы цэнтр Камарын.

Грамадства

Каму і чым дапаможа ТЦСАН

Каму і чым дапаможа ТЦСАН

Ад дапамогі дома пажылым і да стварэння крызісных пакояў для ахвяр хатняга гвалту.