З надыходам цемры на сельскагаспадарчым полі паблізу вёскі Стараўшчына Шчучынскага раёна ў полі зроку членаў рэйдавай службы дзяржінспектараў і егераў — з'явіліся два грамадзяніны на матацыкле з каляскай...
З уключанымі фарамі яны пачалі кружыць, асвятляючы поле і ўзлесак, потым пачуліся стрэлы, што пацвердзіла здагадку — браканьеры. Выпадковымі сведкамі гэтых падзей сталі таксама мясцовы егер і паляўнічы, якія легальна здабывалі казулю на гэтым полі і ледзьве не трапілі пад стрэлы парушальнікаў. Падчас пераследу браканьеры кінулі матацыкл і пабеглі да лесу. Адзін з іх натрапіў на паляўнічага і быў затрыманы тым. Другі паспеў збегчы, але пасля яго таксама затрымалі. У парушальнікаў канфіскавалі дзве паляўнічыя стрэльбы і шэсць патронаў. У калясцы матацыкла была тушка зайца-русака. Затрыманыя былі жыхарамі Гродна. Заведзена крымінальная справа.
Сяргей РАСОЛЬКА
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».