Вы тут

Захаваць, каб успомніць


У фае бібліятэкі чуем ціхі напеў гітары. Лірычная мелодыя далёкіх часоў надае дзелавому інтэр'еру хатнюю ўтульнасць.


За­гад­чы­ца ад­дзе­ла вы­ка­ры­стан­ня да­ку­мен­таў і ін­фар­ма­цыі дзяр­жаў­на­га ар­хі­ва кі­на­фо­та­фо­на­да­ку­мен­таў Тац­ця­на Рах­мань­ко зна­ё­міць з фо­та­аль­бо­ма­мі 50-х га­доў.

— Запрашаем, адчувайце сябе як дома, — вітаюць гасцей дзяўчаты ў сукенках даўно забытага фасону. Даўно забытыя рэчы вы бачыце і ў пакоі: на стале з самаробным бялюткім настольнікам размясціліся вялікі радыёпрыёмнік, лямпа з узорыстым абажурам, старамодны тэлефон... Побач альбомы з фотаздымкамі, якія, нібы акенцы ў далёкі час, даюць зазірнуць і ўбачыць Мінск 50-х гадоў мінулага стагоддзя.

Мы знаходзімся ў мінскай цэнтральнай бібліятэцы імя Янкі Купалы, а тое, што са здзіўленнем бачым вакол сябе і чуем, — гэта выстаўка «Мінск. Пачатак 50-х. Яфім Ліўшыц». Аўтар жыў і працаваў у сталіцы паўстагоддзя таму. Было ў гэтага чалавека захапленне: фатаграфаваць родны горад, будынкі якога ў той час дзе-нідзе яшчэ захоўвалі сляды вайны, а вуліцы і плошчы ўжо ўпрыгожваліся новабудоўлямі.

У за­ле вы­стаў­кі.

Гэта фотакалекцыя — адна з шматлікіх, якія знаходзяцца ў Беларускім дзяржаўным архіве кінафотафонадакументаў. Паказаць яе мінчанам і гасцям сталіцы супрацоўнікі архіва і бібліятэкі вырашылі з дапамогай нацыянальнай кінастудыі «Беларусьфільм», — менавіта там для інтэр'ера экспазіцыі ў сховішчах падабралі адпаведныя старыя рэчы, а для маладых супрацоўніц бібліятэкі на час адкрыцця выстаўкі перадалі сукенкі, пашытыя па тагачасных фасонах. Да таго ж у зале былі паказаны архіўныя кінастужкі беларускіх дакументалістаў.

Зрэшты, зрабіць падарожжа ў мінулае — сёння не праблема. Музеі, выставачныя залы, экспазіцыі на вуліцах даюць нам магчымасць з лёгкасцю крутнуць уяўны штурвал машыны часу. Але не ўсюды гэта дасягаецца дзякуючы супрацоўніцтву зацікаўленых майстроў з розных галін. Архівісты, бібліятэкары, кінематаграфісты ажыццявілі ўдалы праект, у якім яскрава спалучаюцца гістарычная канкрэтыка і рамантычная фантазія.

Яўген Пясецкі, фота аўтара

Выбар рэдакцыі

Грамадства

Што паглядзець у Хоцімску?

Што паглядзець у Хоцімску?

У Хоцімску нават ёсць кола агляду.

Грамадства

«За больш чым сем год былі ўсяго адны суткі без баявога выезду»

«За больш чым сем год былі ўсяго адны суткі без баявога выезду»

Гісторыя кар'еры падпалкоўніка ў адстаўцы Генадзя Цімахоўцава.

Палітыка

Беларусь і ЕС падпішуць візавае пагадненне не пазней за 2 лютага 2020 года

Беларусь і ЕС падпішуць візавае пагадненне не пазней за 2 лютага 2020 года

Верагодна, гэта адбудзецца ўжо ў гэтым лістападзе. 

Грамадства

Як праходзіў ваенна-гістарычны фестываль «Мір-1812»

Як праходзіў ваенна-гістарычны фестываль «Мір-1812»

Трэці раз ваенна-гістарычны фестываль «Мір-1812» на два дні перанёс пасёлак больш чым на два стагоддзі назад.