Вы тут

Паміж бізнесам і падатковымі органамі з'явіцца інстытут пасярэднікаў


Прэзідэнт Аляксандр Лукашэнка падпісаў Указ №338 «Аб падатковым кансультаванні», які ўкараняе ў краіне прафесійны інстытут пасярэднікаў паміж бізнесам і падатковымі органамі.


Інстытут падатковых кансультантаў ствараецца ў Беларусі з улікам станоўчага замежнага вопыту: ён запатрабаваны і паспяхова функцыянуе ў многіх еўрапейскіх краінах, у тым ліку ў Аўстрыі, Германіі, Польшчы, Францыі, Чэхіі і іншых дзяржавах, адзначаюць у прэс-службе Прэзідэнта. Правам аказання такіх паслуг надзяляюцца індывідуальныя прадпрымальнікі і камерцыйныя арганізацыі, якія маюць у сваім штаце як мінімум аднаго падатковага кансультанта. Пры гэтым працаваць на такой пасадзе спецыяліст зможа пасля здачы кваліфікацыйнага экзамену ў Міністэрстве па падатках і зборах і атрымання атэстата падатковага кансультанта.

Акрамя кансультавання гэтыя спецыялісты будуць мець права аказваць паслугі па вядзенні бухгалтарскага і падатковага ўліку, складанні справаздачнасці, прадстаўленні інтарэсаў кансультуемых асоб у дзяржаўных органах і арганізацыях. Зварот да падатковых кансультантаў будзе насіць выключна добраахвотны характар і ні ў якім выпадку не будзе навязвацца прадпрымальнікам і арганізацыям.

У адпаведнасці з дакументам на падатковых кансультантаў ускладаецца поўная матэрыяльная адказнасць за якасць і вынік іх дзейнасці, а магчымыя рызыкі прычынення шкоды падлягаюць абавязковаму страхаванню.

Выданне Указа будзе садзейнічаць правільнаму падліку суб'ектамі гаспадарання падаткаў, дазволіць знізіць верагоднасць здзяйснення падатковых правапарушэнняў, мінімізаваць выдаткі бізнесу па выплаце пеняў і штрафаў за згаданыя парушэнні.

Загаловак у газеце: Падаткі без памылак і штрафаў

Выбар рэдакцыі

Культура

У нядзелю яўрэі святкуюць Новы год дрэў

У нядзелю яўрэі святкуюць Новы год дрэў

На гэта свята асаблівым чынам спажываюць розную садавіну, запіваючы келіхамі добра разбаўленага віна.

Грамадства

Як задаволіць кадравы голад у сферы ІТ?

Як задаволіць кадравы голад у сферы ІТ?

Работадаўцы кажуць, што быць добрым праграмістам і ўмець пісаць код для эфектыўнай работы ўжо недастаткова.

Культура

Балельшчыкі II Еўрапейскіх гульняў ужо рэзервуюць вясковыя гатэлі

Балельшчыкі II Еўрапейскіх гульняў ужо рэзервуюць вясковыя гатэлі

«Адышоў час, калі гасцям патрэбныя былі толькі «чарка і скварка», ім ужо цікавыя музеі, культурная праграма».