Пракуратура кантона Жэнева знайшла тых, хто спусціў ва ўнітаз буйную суму ў еўра, пішуць РІА Навіны. Гэта дзве грамадзянкі Іспаніі, аб чым заявіў прэс-сакратар установы Вінсэнт Дзеруан.
«Агульная сума склала прыблізна 100 тысяч еўра, расследаванне працягваецца. На сёння вядома, што дзве жанчыны — іспанкі па нацыянальнасці, — выкідвалі грошы ў прыбіральнях. Пракурор таксама высвятляе паходжанне грошай», — адзначыў Дзеруан. Паводле яго слоў, калі высветліцца, што грошы былі атрыманы законным шляхам, іспанкі не панясуць ніякага пакарання, бо псаванне грошай у Швейцарыі не з'яўляецца злачынствам. «Калі ж грошы звязаны з нелегальнай дзейнасцю, то гэта ўжо іншая справа. На цяперашні момант жанчыны не з'яўляюцца вінаватымі», — дадаў ён.
Некалькі месяцаў таму ў прыбіральні побач з банкаўскім сховішчам у жэнеўскім аддзяленні фінансавага холдынга UBS Grоuр АG былі знойдзеныя банкноты наміналам у 500 еўра. Праз некалькі дзён купюры засмецілі прыбіральні ў размешчаных побач рэстаранах. Многія купюры былі парэзаныя, як мяркуецца, нажніцамі. Паслугі сантэхнікаў па прачыстцы труб абышліся ўстановам у тысячы франкаў. Пасля гэтага швейцарскія пракуроры пачалі расследаванне, каб высветліць, навошта невядомы спусціў ва ўнітаз дзясяткі тысяч еўра. Дзеруан запэўніў, што выдаткі банка і рэстаранаў па прачыстцы каналізацыі былі часткова кампенсаваныя — адвакат іспанак звязаўся з імі і прапанаваў аплаціць работы.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».
