Маладыя новапалачане пасадзяць алею туй і ўстановяць на ёй памятны знак у гонар 15-годдзя грамадскага аб'яднання «БРСМ».
Час для пасадкі — самы той, а выдзеліць каля сотні дрэўцаў мясцовая лясная гаспадарка. Месца для алеі таксама ўжо вызначана, узгадняюцца некаторыя тэхнічныя моманты. Як паведамілі ў Наваполацкім гарвыканкаме, ініцыятыва нарадзілася ў межах апошняй дыскусійнай пляцоўкі Беларускага рэспубліканскага саюза моладзі «Ці лёгка быць маладым?». Дзве каманды, з аднаго боку — прадстаўнікі парламента дзяцей і навучэнцаў Наваполацка, а з другога — працоўная моладзь і актыў Наваполацкай гарадской арганізацыі БРСМ, разважалі не толькі над тым, як далучыцца да добраўпарадкавання горада, але і над пытаннямі прафарыентацыі, атрымання вышэйшай адукацыі. Закранулі і «вечныя» тэмы: хто можа звацца сёння лідарам, якімі вартасцямі трэба валодаць, каб павесці за сабой? Прадстаўнікі абедзвюх камандаў сышліся на тым, што самым важным застаюцца сумленнасць, шчырасць, паважлівасць.
Святлана БАРЫСЕНКА
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
