15 студзеня, пятніца

Вы тут

Беларускія машыны хутка паразумнеюць?


Беларускія навукоўцы пастаянна працуюць над развіццём тэхналогій, якія б зрабілі эксплуатацыю айчыннай тэхнікі больш эфектыўнай. Магчыма, вечны рухавік яны адкрыюць не хутка, але ім ужо ёсць што паказаць да прафесійнага свята машынабудаўнікоў (24 верасня). Па словах генеральнага дырэктара Аб'яднанага інстытута машынабудавання Нацыянальнай акадэміі навук Сяргея Паддубкі, беларускія грузавікі неўзабаве могуць атрымаць на ўзбраенне новую тэхналогію — гібрыдны электрапрывод.


Па словах вучонага, развіццё электрапрыводаў стрымліваецца высокім коштам батарэі. Але выйсце ёсць у пераходнай версіі гэтай тэхналогіі — гібрыдным прыводзе, калі на аўтамабілі ўсталёўваецца адначасова і рухавік унутранага згарання, і электрычны прывод. «Гібрыдны транспарт актыўна развіваецца ва ўсім свеце, і наш інстытут таксама працуе ў гэтым кірунку. Мы распрацавалі гібрыдны модуль, які можа быць усталяваны, напрыклад, на грузавік. Мы гатовыя ўкараняць гэтую распрацоўку», — растлумачыў ён.

Вучоны таксама лічыць, што сінтэз дзвюх тэхналогій мае значныя перавагі. Гібрыднаму транспарту не патрэбна інфраструктура, таму што падзарадка адбываецца адразу на борце. Ёмістасць батарэі там значна меншая, яна выступае як буфер, які спажывае энергію пры тармажэнні і спуску з горак. Акрамя таго, адбываецца значная эканомія паліва пры ўстаноўцы гібрыднай тэхналогіі — 20—30%.

Але на перааснашчэнні тэхнічнага боку аўто сёння распрацоўкі ва ўсім свеце не спыняюцца. Усе паступова пераходзяць да «ўкаранення мазгоў» у транспартныя сродкі. Беларускія навукоўцы імкнуцца не адстаць ад мэйнстрыму. Мы маем намер стварыць кластар пад назвай «Інтэлектуальны электратранспарт», — паведаміў Сяргей Паддубка. У Аб'яднаным інстытуце машынабудавання НАН ёсць цэнтр, які займаецца бартавымі інтэлектуальнымі сістэмамі. Там добра ведаюць, якімі тэмпамі неабходна рухацца да развіцця беспілотных тэналогій. Першы крок — укараненне інтэлектуальных сістэм дапамогі кіроўцу. «Нашы навукоўцы таксама працуюць у гэтым кірунку», — запэўніў гендырэктар інстытута.

Таксама Сяргей Паддубка анансаваў дату выхаду ў свет першай малагабарытнай камунальнай машыны — інавацыйнага праекта, які распрацоўваецца сумесна з Мінгарвыканкамам. Паводле яго слоў, першы доследны ўзор будзе гатовы да канца 2017 года. Праект ужо знаходзіцца на стадыі завяршэння.

Ілья КРЫЖЭВІЧ

krуzhеvісh@zvіаzdа.bу

Выбар рэдакцыі

Грамадства

Калі маці як дзіця, або Як пасябраваць з самымі роднымі людзьмі, якія на старасці гадоў сталі асаблівымі

Калі маці як дзіця, або Як пасябраваць з самымі роднымі людзьмі, якія на старасці гадоў сталі асаблівымі

Што рабіць, калі нечакана маці або бацька сталі вельмі настойліва заяўляць пра сябе?

Культура

Слухаць сняжынкі, сачыць за ростам травы. Янка Сіпакоў не любіў тусовак  і лічыў адзіным багаццем кнігі

Слухаць сняжынкі, сачыць за ростам травы. Янка Сіпакоў не любіў тусовак і лічыў адзіным багаццем кнігі

Вось ужо дзесяць гадоў, як пісьменнік Янка Сіпакоў застаўся ў сваіх кнігах — і тых, што падарыў, а найперш, у тых, што напісаў... А споўнілася б яму сёння 85 гадоў.

Грамадства

Як прайсці тэхагляд ва ўмовах ажыятажу?

Як прайсці тэхагляд ва ўмовах ажыятажу?

«Ахвотных настолькі многа, што скончыліся бланкі».