Літаратурна-мастацкі вечар «Светлыя знакі. Паэты Кітая», спаборніцтвы па бясснежных відах ездавога спорту і чатыры вымярэнні сучаснага мастацтва Беларусі – афіша «Звязды» з 25 верасня па 1 кастрычніка.
Дзе: Палац Рэспублікі (пл. Кастрычніцкая, 1)
Калі: 25 верасня, 16:00
Колькі каштуе: удакладняць у касе
Серыя «Светлыя знакі» заснавана Выдавецкім домам «Звязда» ў 2014 годзе па прапанове міністра інфармацыі Рэспублікі Беларусь Ліліі Ананіч. На дадзены момант выйшла 9 кніг, якія прадстаўляюць творчасць кітайскіх паэтаў розных эпох з VII стагоддзя да цяперашняга часу.
У рамках праграмы адбудзецца адкрыццё выставы ілюстрацый да названых выданняў члена Беларускага саюза мастакоў Каміля Камала. Будзе прадстаўлена выстава кніг Выдавецкага дома «Звязда».
Дзе: НЦСМ на Някрасава (вул. Някрасава, 3)
Калі: 26 верасня, 17:00
Колькі каштуе: бясплатна
НЦСМ запрашае на лекцыю аб сучасным японскім тэатры, якая прысвечана творчасці і памяці самага постмадэрнісцкага тэатральнага рэжысёра Японіі Мацумота Юкічы (1946 - 2016), заснавальніка тэатра «Ishinha».
Пасля лекцыі плануецца відэаадказ спектакля «Тры сястры» Чэхава ў пастаноўцы Міура Матой, аднаго з самых незвычайных рэжысёраў новага пакалення.
Дзе: Дзіцячы цэнтр «Краіна цудаў» (вул. Шаранговіча, 39, каб. 1)
Калі: 30 верасня, 16:00
Колькі каштуе: бясплатна
Дзіцячы цэнтр «Краіна цудаў» запрашае дзяцей з 12 гадоў і моладзь на бясплатны майстар-клас па асновах візажу.
На гэтым занятку ўдзельнікі навучацца адрозніваць колератыпы, вызначаць свой колератып і падбяруць найбольш прыдатную для сябе каляровую гаму. Таксама пазнаёмяцца з неабходнымі для працы матэрыяламі і інструментамі візажыста.
Дзе: Лагойск
Калі: 30 верасня (9:00) і 1 кастрычніка (10:00)
Колькі каштуе: бясплатна
Адкрытыя міжнародныя спаборніцтвы па бясснежны відах ездавога спорту будуць праходзіць з 30 верасня па 1 кастрычніка ў Мінскай вобласці каля вёскі Пагрэбішча (Лагойскі раён). Гонка будзе складацца з двух этапаў. Папярэдне, пачатак стартаў у 9.00.
У нашай краіне такія маштабныя спаборніцтвы па ездавым спорце будуць праводзіцца ўжо ў другі раз.
Дзе: Нацыянальны мастацкі музей (вул. Леніна, 20)
Калі: 1 кастрычніка, 19:00
Колькі каштуе: 8 р.
1 кастрычніка ў рамках XII Міжнароднага фестывалю Юрыя Башмета ў Нацыянальным мастацкім музеі ўпершыню ў гісторыі пройдзе арт-праект «4 вымярэнні сучаснага мастацтва Беларусі».
Спецыяльна падрыхтаваную інтэрактыўную праграму пры ўдзеле лепшых беларускіх кампазітараў, паэтаў, салістаў балета, акцёраў тэатраў упершыню пакажуць у галоўным музеі краіны - Нацыянальным мастацкім музеі Рэспублікі Беларусь.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
