Вы тут

Арганізатары зімовай Алімпіяды прадставілі медалі


У аснову дызайну ўзнагарод, якія будуць уручацца прызёрам Гульняў у Карэі, ляглі матывы нацыянальнай культуры прымаючай краіны. Паверхня кожнага медаля мае цыліндрычныя дыяганальныя лініі, якія, паводле задумы арганізатараў, сімвалізуюць гісторыю Алімпійскіх гульняў і імкненне ўдзельнікаў да перамогі. Стужкі медалёў выкананы з выкарыстаннем традыцыйных для Карэі тканін і маюць надпісы, выкананыя шрыфтам хангыль.


Кожная ўзнагарода захоўваецца ў спецыяльным драўляным футляры, дызайн якога натхнёны карэйскай архітэктурай і сімвалізуе мноства драўляных пабудоў у краіне.

Нагадаем, Алімпійскія гульні ў Пхёнчхане пройдуць з 9 па 25 лютага 2018 года. На іх будзе прадстаўлена сем відаў спорту, якія ўключаюць у сябе 15 зімовых спартыўных дысцыплін: тры каньковыя (фігурнае катанне, канькабежны спорт і шорт-трэк), шэсць лыжных (гарналыжны спорт, лыжны спорт, фрыстайл, лыжнае дваябор'е, скачкі з трампліна і сноўборд), два бабслейныя: (бабслей і скелетон), а таксама чатыры іншыя віды спорту: біятлон, кёрлінг, хакей і санны спорт.

Дар'я ЛАБАЖЭВІЧ

lobazhevich@zviazda.by

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».