Чэмпіянат па пераносе жонак прайшоў у гарналыжным спартыўна-аздараўляльным комплексе «Лагойск».
Паводле ўмоў спаборніцтваў у ім маглі прыняць удзел 50 пар, неабавязкова жанатыя. Можна было прыхапіць з сабой кавалера або, наадварот, сяброўку. Адзінае абмежаванне — узрост больш за 18 гадоў.
На чэмпіянат прыехалі 12 пар. На дыстанцыі ў 253 метры ім давялося пераадолець бар'еры вышынёй у метр, яму з вадой, кучу пяску. Прычым дзяўчына не павінна была датыкацца нагамі да зямлі або падаць. У гэтым выпадку налічваліся 15 штрафных секундаў. Кажуць, свая ноша не цягне. Але ж уявіце, як нялёгка даводзілася партнёру, які яшчэ і нёс груз літаральна на сваёй шыі.
Самай хуткай і спрытнай стала сям'я Паўла і Наталлі Леановічаў з горада Мазыра Гомельскай вобласці, якая пераадолела дыстанцыю за 1 мінуту 43,75 секунды. Як прызналіся сужэнцы, яны рэгулярна ўдзельнічаюць у аналагічных спаборніцтвах. На другім месцы Дзмітрый Гідлеўскі і Вераніка Швакава, трэцімі прыйшлі Вадзім Шалкоўскі і Валерыя Клачко.
Арганізавала спаборніцтвы Беларуская федэрацыя гонак з перашкодамі.
Таццяна ЛАЗОЎСКАЯ
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!