Вы тут

Кнігу Юдзіф у мініяцюры выдалі ў Азербайджане


Кнігу Юдзіф у мініяцюры выдала Зарыфа Салахава, вядомы грамадскі дзеяч і заслужаны дзеяч культуры Азербайджана, стваральнік і заснавальнік Музея мініяцюрнай кнігі ў горадзе Баку. Выданне прадставілі ў мінскай кнігарні «Светач».


Фармат кнігі 50 на 55 мм. Яна складаецца з 214 старонак, куды ўваходзіць факсімільнае выданне, тое, што было выдадзена Францыскам Скарынам 9 лютага 1519 года на 26 аркушах. Перад кожным раздзелам у кнізе — партрэт Скарыны. Кніга выдадзена на беларускай, рускай і англійскай мовах тыражом 100 экзэмпляраў.

— Усё ў гэтым свеце прыходзіць і адыходзіць, застаюцца толькі кнігі. Я шчаслівая, што гэтая кніга, нароўні з іншымі беларускімі кнігамі, стаіць у маім музеі. 2913 унікальных кніг музея трапілі ў Кнігу рэкордаў Гінеса, — расказала Зарыфа Цеймураўна. — У 2012 годзе я была ўзнагароджаная медалём Францыска Скарыны. І я ўсцешана, што зараз магу апраўдаць сваю ўзнагароду.

Гэты праект серыі «Кніжная спадчына Францыска Скарыны» рэалізаваны пры ўдзеле Нацыянальнай бібліятэкі Беларусі і Кангрэса азербайджанскіх абшчын Рэспублікі Беларусь.

У Беларусі рэгулярна выходзяць кнігі азербайджанскіх аўтараў, з'яўляюцца пераклады з азербайджанскай мовы. Азербайджанцы таксама праяўляюць цікавасць да беларускай літаратуры. Напрыклад, да Дня пісьменства сёлета вядомы азербайджанскі пісьменнік Камран Назірлі прывёз кнігі трох беларускіх аўтараў, выдадзеныя ў Баку. Важкі ўнёсак ва ўмацаванне сяброўства дзвюх дзяржаў робяць пасольства Азербайджанскай Рэспублікі ў Беларусі і Кангрэс азербайджанскіх абшчын Рэспублікі Беларусь. Старшыня Кангрэса Націк Багіраў адзначыў:

— Для нас, прадстаўнікоў азербайджанскай дыяспары, для каго Беларусь стала другой радзімай, вялікі гонар мець дачыненне да гэтага выдавецкага праекта. Зарыфа Салахава зрабіла цудоўны падарунак да 500-годдзя беларускага кнігадрукавання, — гэта прыгожая і дарагая ў гісторыі дата, якой можа ганарыцца кожны беларус.

Націк Багіраў таксама нагадаў, што раней Зарыфай Салахавай быў надрукаваны шэраг мініяцюрных кніг, сярод якіх інаўгурацыйная прамова Прэзідэнта Беларусі Аляксандра Лукашэнкі, Купалава «Жалейка» ў двух тамах. Кніга Юдзіф — чарговы этап у беларуска-азербайджанскім культурным сяброўстве.

У канцы прэзентацыі Саюз пісьменнікаў Беларусі па даручэнні старшыні Мікалая Чаргінца ўзнагародзіў Зарыфу Салахаву памятным дыпломам за вялікі ўклад у развіццё беларуска-азербайджанскіх адносін і шматгадовую папулярызацыю твораў беларускіх аўтараў за мяжой.

Ксенія ВЯДЗМЕДЗЬ

Фота Кастуся ДРОБАВА

Загаловак у газеце: Вялікі Скарына — у мініяцюры

Выбар рэдакцыі

Культура

Як  мастак Май Данцыг ствараў свае карціны

Як мастак Май Данцыг ствараў свае карціны

Наватар, «шасцідзясятнік», ваяўнічы аптыміст — гэта ўсё пра яго.

Грамадства

Як ператварыць звычайны ўрок беларускай літаратуры ў творчую майстэрню?

Як ператварыць звычайны ўрок беларускай літаратуры ў творчую майстэрню?

Настаўнікі ўпэўнены: ці будуць вучні чытаць, у многім залежыць ад іх саміх. 

Эканоміка

Петришенко: Называть ЕАЭС экономическим союзом сегодня можно только авансом

Петришенко: Называть ЕАЭС экономическим союзом сегодня можно только авансом

Однако наша страна надеется, что это временные трудности.

Грамадства

Апублікаваны поўны тэкст Канцэпцыі інфармацыйнай бяспекі Беларусі

Апублікаваны поўны тэкст Канцэпцыі інфармацыйнай бяспекі Беларусі

Дзяржаўным органам і іншым арганізацыям даручана кіравацца палажэннямі канцэпцыі ў практычнай дзейнасці.