Вы тут

На Міншчыне наладжана новая вытворчасць


У Старых Дарогах, што на Міншчыне, адбылося адкрыццё беларуска-ўкраінскага прадпрыемства — сумеснага таварыства з абмежаванай адказнасцю «БЕЛТРЫБА». Гэта першы і адзіны ў краіне завод па вытворчасці тармазных калодак і накладак.


Першапачаткова тут планавалася выпускаць дэталі толькі для абслугоўвання кар'ерных самазвалаў «БелАЗ». Аднак заснавальнікі вырашылі расшырыць наменклатуру прадукцыі: наладзіць вытворчасць тармазных калодак для Мінскага метрапалітэна і Мінскага трактарнага завода, а ў першым паўгоддзі 2018-га — для Беларускага завода легкавых аўтамабіляў «БелДжы». Для рэалізацыі праекта ў цэху пастаўлена дадатковае абсталяванне, павялічаны сумы інвестыцый, падоўжаны тэрмін дзеяння інвестыцыйнага дагавора.

Па стане на 15 верасня гэтага года ўкладанні ў стварэнне вытворчасці тармазных калодак склалі 1 800 000 долараў ЗША.

Пробная партыя прадукцыі прайшла выпрабаванні, сфарміраваны заказ да канца года для ААТ «БелАЗ» у памеры 500 тыс. рублёў. Акрамя таго, у жніўні 2017-га прынята рашэнне на свабодных плошчах прадпрыемства арганізаваць выпуск цеплавых экранаў для аўтамабіляў «БелДжы».

Таццяна ЛАЗОЎСКАЯ

lazovskaya@zviazda.by

Загаловак у газеце: Першае і адзінае ў краіне

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».