Вы тут

БТРК запускае праект «Скарына. Дзеля Бога і людзей»


Весці размовы са Скарыной з гледачамі будзе сацыякультурны тэлеканал «Беларусь 3» у новым праекце — мастацка-публіцыстычным фільме «Скарына. Дзеля Бога і людзей», прысвечаным 500-годдзю беларускага кнігадрукавання. Праект стартуе ў эфіры ўжо сёння ўвечары.


«Кожны беларус ведае імя першадрукара, але гэтым, як правіла, і абмяжоўваюцца веды пра Францыска Скарыну», — гавораць стваральнікі фільма. І абяцаюць з дапамогай архіўных звестак, разваг гісторыкаў і літаратуразнаўцаў, а таксама акцёрскіх пастановачных сцэн наглядна паказаць, у чым заключаўся подзвіг полацкага асветніка, гуманіста, доктара медыцыны, першага на ўсходнеславянскіх землях перакладчыка Бібліі, і чаму ён сам быў
«нязручны» для грамадства XVІ стагоддзя.

Своеасаблівым правадніком паміж эпохамі ў чатырохсерыйным фільме выступіў заслужаны артыст Беларусі, старшыня Белтэлерадыёкампаніі Генадзь Давыдзька, які не толькі агучвае малавядомыя гістарычныя факты, але і часам уступае ў дыялог з персанажамі, прапануючы шаноўнай публіцы пафантазіраваць: як мог бы выглядаць Скарына ў наш час і кім бы ён стаў у ХХІ стагоддзі — «айцішнікам» ці, можа, прадпрымальнікам?

Вікторыя ЗАХАРАВА

zaharava@zviazda.by

Загаловак у газеце: Размовы пра Скарыну

Выбар рэдакцыі

Культура

Карэспандэнты «Звязды» сустрэліся са сваячкай Паўліны Мядзёлкі

Карэспандэнты «Звязды» сустрэліся са сваячкай Паўліны Мядзёлкі

12 верасня 1893 года ў сям'і Вінцэнта і Францішкі Мядзёлкаў нарадзілася дачка, якой далі прыгожае імя Паўліна. 

Грамадства

Хто пашкоджвае дрэвы ў вашым садзе?

Хто пашкоджвае дрэвы ў вашым садзе?

Хто, як не вучоныя Інстытута пладаводства, ведае, як атрымаць добры ўраджай і засцерагчы сад ад хвароб.

Культура

Вольга Падгайская: Калі праект і здараецца, то ў якасці ледзь не выключэння

Вольга Падгайская: Калі праект і здараецца, то ў якасці ледзь не выключэння

Гэта трэба, канешне, проста паслухаць — музыку аднаго з найдзіўнейшых сучасных беларускіх кампазітараў. 

Культура

Што паглядзець у брэсцкім музеі выратаваных каштоўнасцяў

Што паглядзець у брэсцкім музеі выратаваных каштоўнасцяў

Брэсцкі музей выратаваных каштоўнасцяў можна назваць мясцовым Луўрам — калі ўвогуле дарэчы параўноўваць адну культуру з іншай.