23 студзеня, аўторак

Вы тут

9 фактаў пра школы свету


Школьныя гады з'яўляюцца аднымі з самых запамінальных у нашым жыцці. Як бы мы ў дзяцінстве ні хацелі, але вучоба — гэта абавязковы працэс, праз які трэба прайсці ўсім. Магчыма, даведаўшыся пра тое, якімі бываюць школы ў розных краінах свету, вы пачняце больш шанаваць тое, што ў вас ёсць, альбо, наадварот, — будзеце марыць трапіць у зусім іншую школу.


1. Пачатковая школа ў Пхумачангтангу (Тыбет) лічыцца самай высокай у свеце. Яна знаходзіцца на вышыні 5373 метраў над узроўнем мора, і гэта на 200 метраў вышэй базавага лагера на Эверэсце — найвышэйшай вяршыні Зямлі.

2. Самай шматлікай з'яўляецца школа Мантэсоры ў Лакхнау (Індыя). Больш за 47 000 вучняў наведваюць школу штодзень, выкладаюць там 2500 настаўнікаў, яна налічвае больш за 1000 аўдыторый і 3700 камп'ютараў і штогод школа закупляе тысячы канцылярскіх прылад і кніг.

3. У аддаленых абласцях Калумбіі дзеці дабіраюцца да школы па канатнай дарозе — адзіным відзе транспарту для тых, хто жыве ў аддаленай вёсцы Лос Пінас. Самым малым не дазваляюць самастойна карыстацца пераправай, таму яны дабіраюцца з бацькамі або старэйшымі братамі і сёстрамі. Калі б не канатная дарога, дзецям прыйшлося б дзве гадзіны ісці ў школу праз трапічны лес.

4. У Бангладэш ёсць больш за 100 школ, размешчаных... на лодках. У кожнай ёсць доступ у інтэрнэт, бібліятэка, школы працуюць на сонечных батарэях. Штогадовыя паводкі ў Бангладэш могуць парушаць навучальны працэс для сотняў і тысяч вучняў. У некаторых абласцях у сезон дажджоў з ліпеня па кастрычнік дарогі становяцца непраходныя, а вада ў рэках падымаецца да 4 метраў. Таму ўзнікла неабходнасць у лодачных школах.

5. Школа на Філіпінах была зробленая цалкам з перапрацаваных бутэлек. Спатрэбілася 9000 бутэлек і дзясяткі добраахвотнікаў, каб узвесці гэты будынак. Кожную бутэльку напоўнілі пяском, вадой і саломай, каб зрабіць іх мацнейшымі.

6. Дзеці ў Германіі атрымліваюць спецыяльны падарунак у форме папяровага конуса — шультутэ, напоўнены алоўкамі, ручкамі, кнігамі і прысмакамі. Аднак падарунак можна адкрыць толькі з пачаткам навучальнага года.

7. Дзеці ў Японіі, магчыма, самыя незалежныя ў свеце. Яны самі дабіраюцца да школы, самі прыбіраюць свае класы і накрываюць абеды. У школе няма прыбіральшчыкаў або сталовых.

8. Вучні ў Кітаі атрымліваюць найбольш хатніх заданняў у свеце. У сярэднім падлеткі трацяць каля 14 гадзін на тыдзень на хатнія практыкаванні.

9. Прыём ежы ў Францыі лічыцца часткай працэсу навучання. Дзеці не толькі вывучаюць розныя прадукты і тое, адкуль яны з'яўляюцца (многія з іх вырошчваюць у школе), але і правілы паводзін і этыкет за сталом.

Дадаць каментар

Выбар рэдакцыі

Грамадства

Знайсці працу дапаможа служба занятасці насельніцтва

Знайсці працу дапаможа служба занятасці насельніцтва

Хойніцкі, Брагінскі і Жлобінскі раёны афіцыйна адносяцца да тых, дзе адзначаецца самы высокі ўзровень беспрацоўя — 0,8 %.

Грамадства

Звычайная настаўніца фізікі трапіла на адронны калайдар

Звычайная настаўніца фізікі трапіла на адронны калайдар

Што насамрэч адбываецца на мяжы Швейцарыі і Францыі, дзе на глыбіні каля ста метраў размяшчаецца Вялікі адронны калайдар?

Грамадства

Як мы наведалі курсы перападрыхтоўкі для беспрацоўных

Як мы наведалі курсы перападрыхтоўкі для беспрацоўных

Не так даўно навукоўцы выявілі, што стрэс ад страты або змены месца працы ўваходзіць у топ-3 самых моцных негатыўных перажыванняў сучасных людзей.