22 верасня, аўторак

Вы тут

Працяг знаёмства


Выдавецкі дом “Звязда” становіцца адметнай пляцоўкай для гуманітарнага супрацоўніцтва з Кітаем.


Масштабы гуманітарнага, культурнага супрацоўніцтва з Кітаем пашыраюцца ў нашай краіне ўсё болей і болей. Многія айчынныя мас-медыя і кніжныя выдавецтвы вылучаюць самыя розныя ініцыятывы такога супрацоўніцтва. Сярод лідараў у гэтым накірунку – Выдавецкі дом “Звязда”.

- Сёлета мы выпусцілі ў свет чатыры кнігі на кітайскую тэму, -- расказвае намеснік дырэктара Выдавецкага дома “Звязда” – галоўны рэдактар часопіса “Нёман” Аляксей Чарота. – Працягнулі серыю “Светлыя знакі: паэты Кітая”. Пабачылі свет зборнікі вершаў “Мудрасць гор маўклівых” Мэн Хаажаня і “Лілеі тварык чароўны” Сюй Чжымо. Вядомы беларускі палітык, грамадскі дзеяч сённяшні кіраўнік Рэспубліканскага інстытута кітаязнаўства імя Канфуцыя Беларускага дзяржаўнага універсітэта Анатоль Тозік уклаў кнігу ўспамінаў беларускіх амбасадараў у Кітаі – “Беларуска-кітайскія адносіны ва ўспамінах беларускіх амбасадараў”. А кандыдат гістарычных навук Віктар Гермянчук выдаў у “Звяздзе” манаграфію пра ўспрыняцце Кітая ў свеце – “Кітай. Крылы Дракона”.

Да кітайскай літаратуры сёлета былі ўважлівымі і газета “Літаратура і мастацтва”, часопісы “Маладосць”, “Нёман”. У “Маладосці” выйшаў адмысловы спецыяльны выпуск, прысвечаны кітайскай літаратуры – у студзені 2017 года. Былі надрукаваны вершы Ван Гочжэня – у перакладах на беларускую мову Мікіты Крыцука, Анастасіі Лабанавай, Алены Раманоўскай. У гэтым жа выпуску змешчаны творы Лю Дзун’юаня, Тао Юаньміна, Ван Вэя, Бо Цзюя, А І, Джу Вэньіна, Фэн Тана, Цзінь Жэньшуня. Перакладчыкамі выступілі Анастасія Чэкулаева, Ксенія Рудэнка, Яніна Іўліева, Анастасія Вараб’ёва. А ў часопісе “Нёман” на рускай мове надрукаваны ўрывак з рамана Яня Гэліна “Цётка Тацуру”. Перакладчыца – А. Пярлова. Пераклад расійскай літаратаркай ажыццёўлены адмыслова для “Нёмана”. І гэта, безумоўна, не ўвесь плён 2017 года. “Полымя” таксама збіраецца друкаваць вершы аднаго з нашых сучаснікаў – дастаткова цікавага кітайскага паэта…

Кастусь Ладуцька

Выбар рэдакцыі

Грамадства

Конкурс прафесiйнага майстэрства WorldSkills Belarus 2020 прайшоў у Мiнску

Конкурс прафесiйнага майстэрства WorldSkills Belarus 2020 прайшоў у Мiнску

Конкурс прафесiйнага майстэрства WorldSkills Belarus 2020 прайшоў у Мiнску ў Індустрыяльным парку «Вялiкi камень» з грандыёзным размахам. 

Культура

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

У выдавецтве «Мастацкая лiтаратура» выйшла кнiга Аляксандра Радзькова «Мой фiзмат»

Пра калег — настаўнiкаў, старэйшых таварышаў, паплечнiкаў распавядае доктар педагагiчных навук, прафесар матэматыкi, заслужаны дзеяч навукi Рэспублiкi Беларусь.

Грамадства

Тураўскі крыж упершыню будзе прадстаўлены 26 верасня

Тураўскі крыж упершыню будзе прадстаўлены 26 верасня

На свята Узнясення Крыжа Гасподняга, падчас вячэрняй службы ў Мінскім кафедральным саборы.