Вы тут

У Магілёве адкрылася выстава рэпартажнай фатаграфіі Мікалая Жалудовіча


У Магілёве адкрылася выстава легенды айчыннай рэпартажнай фатаграфіі Мікалая Жалудовіча, прысвечаная яго 90-годдзю. На чорна-белых здымках жывая гісторыя Магілёўшчыны, дух савецкай эпохі. Чвэрць стагоддзя майстар працаваў фотакарэспандэнтам БелТА па Магілёўскай вобласці. Але яго творчая кар'ера пачалася менавіта са «Звязды» — у сярэдзіне 50-х, калі ён яшчэ быў інжынерам па ўкараненні новай тэхнікі на магілёўскім заводзе «Строммашына».


Фатаграфіяй Мікалай Жалудовіч захапіўся яшчэ ў арміі, калі служыў на Чукотцы. А калі вярнуўся дадому, фіксаваў будні і святы роднага горада, працоўныя моманты свайго прадпрыемства. Калі фотакарэспандэнт «Звязды» Уладзімір Кітас пабываў на заводзе і ўбачыў яго выстаўку, адразу ж распазнаў талент: Мікалай Жалудовіч стаў пазаштатным фотакарэспандэнтам «Звязды». Хутка яго заўважылі і іншыя выданні.

З калегамі па фотасправе (Жалудовіч крайні справа).

Героямі фотарэпартажаў майстра станавіліся і звычайныя рабочыя людзі, і знакамітасці — тройчы Герой Савецкага Саюза Іван Кажадуб, дыктар Усесаюзнага радыё Юрый Левітан, палітычныя дзеячы Аляксей Касыгін, Пётр Машэраў, музыканты і спевакі сусветнага маштабу... Толькі ў асабістым фондзе майстра налічваецца больш за 10 тысяч негатываў.

Павіншаваць юбіляра прыйшлі прадстаўнікі кіраўніцтва вобласці, калегі, сябры, студэнты МДУ імя Куляшова, прыхільнікі яго творчасці.

«Звязда» далучаецца да шматлікіх віншаванняў і жадае майстру моцнага здароўя і творчага настрою.

Нэллі ЗІГУЛЯ

zigulya@zviazda.by

Загаловак у газеце: Пуцёўку ў жыццё дала «Звязда»

Выбар рэдакцыі

Эканоміка

Як наладзіць бізнес у невялікім райцэнтры, дзе няма чыгункі

Як наладзіць бізнес у невялікім райцэнтры, дзе няма чыгункі

Уздзенскі касцёл, які пабудавалі ў канцы ХVІІІ стагоддзя, мясцовыя ўлады не адзін раз спрабавалі прадаць праз электронны аўкцыён, але ахвотных аднавіць помнік архітэктуры не знаходзілася. 

Спорт

«Дзясятае месца — гэта наша памылка». Беларускія гандбалісты не выйшлі ў алімпійскі кваліфікацыйны турнір

«Дзясятае месца — гэта наша памылка». Беларускія гандбалісты не выйшлі ў алімпійскі кваліфікацыйны турнір

У заключным матчы ЧЕ па гандболе зборная Беларусі згуляла ўнічыю з камандай Аўстрыі — 36:36