Столькі дакументаў разгледзяць падчас восеньскай сесіі Савета Рэспублікі. Сесія будзе дастаткова напружанай, адзначыла намеснік старшыні Савета Рэспублікі Нацыянальнага сходу Беларусі Мар'яна ШЧОТКІНА. Але гэта толькі надводная частка айсберга: асноўная работа праводзіцца ў міжсесійны перыяд.
Сярод дакументаў, якія выклікаюць найбольшую цікавасць, Мар'яна Шчоткіна назвала праект аб рэспубліканскім бюджэце і пазабюджэтных фондах. У наступным годзе фонд сацыяльнай абароны насельніцтва толькі за кошт даходаў, атрыманых са страхавых узносаў, не зможа забяспечыць выплату пенсій і дапамогі. Гэта азначае, што для таго, каб забяспечыць узровень пенсій не ніжэй, чым 40% ад сярэдняй заработнай платы па краіне, і своечасовую выплату дапамогі, неабходна будзе выкарыстоўваць субвенцыі з рэспубліканскага бюджэту.
Акрамя таго, «зараз вельмі вялікую цікавасць выклікаюць законапраекты, якія звязаны з дзяржаўна-прыватным партнёрствам», — адзначае віцэ-спікер.
Мар'яна Шчоткіна таксама звярнула ўвагу на законапраект аб дзяржаўных закупках: «Там практыка прымянення выявіла вузкія месцы, і ёсць вельмі шмат прапаноў, што трэба змяніць». Адзін з кірункаў змен — празрыстасць конкурсу: удзельнікі павінны ведаць, хто перамог і на якіх умовах.
Надзея АНІСОВІЧ
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.
