Вы тут

У Мінску адкрылася выстава «Транспарт і лагістыка»


Больш за 70 лагістычных і транспартных арганізацый з 9 краін свету сустрэліся ў сталіцы на пляцоўцы футбольнага манежа. У Мінску з 3 па 5 кастрычніка праходзіць транспартны тыдзень, у рамках якога адзінаццаты раз адкрылася выстава «Транспарт і лагістыка».


«Асноўная тэма пленарнага пасяджэння — злучэнне праектаў ЕАЭС і праекта «Шаўковы шлях», — адзначыў у прывітальным слове міністр транспарту і камунікацый Анатоль Сівак. Ён падкрэсліў, што актуальным для транспартнай сферы з'яўляецца ўдзел у мерапрыемстве прадстаўнікоў Міністэрства сувязі і інфарматызацыі, якія дапамагаюць паскарэнню працэсу транспарціроўкі грузаў і пасажыраў.

Намеснік дзяржаўнага сакратара Міністэрства зносін Латвіі Улдзіс Рэйманіс у сваю чаргу паведаміў, што Латвія кожны раз прысутнічала на выставе і сёлета яе экспазіцыю дапоўніў авіяцыйны сектар.

Старшыня Пастаяннай камісіі па прамысловасці, паліўна-энергетычным комплексе, транспарце і сувязі Палаты прадстаўнікоў Нацыянальнага сходу Беларусі Андрэй Рыбак лічыць, што Беларусь з'яўляецца важным транспартным калідорам паміж Еўропай і Азіяй. «Парламент надае транспартнай сферы вялікае значэнне. Мы пастаянна працуем над развіццём заканадаўства для таго, каб бізнес у нашай краіне адчуваў сябе камфортна», — запэўніў Андрэй Рыбак.

У ходзе мерапрыемстваў разгледзяць пытанні арганізацыі пасажырскіх перавозак, удасканалення перавозак грузаў, кантэйнерызацыі і эфектыўнага кіравання ў ланцугах паставак, гарантыі бяспекі руху і эксплуатацыі транспарту. Сярод удзельнікаў выставы транспартна-лагістычныя цэнтры, вытворцы і дылеры аўтатэхнікі, пастаўшчыкі спецыялізаванага абсталявання, страхавыя кампаніі, адміністрацыі марскіх партоў і кіраўніцтва чыгунак з СНД, блізкага і далёкага замежжа. Для ўсіх удзельнікаў будзе арганізавана насычаная дзелавая праграма з магчымасцю знайсці новых дзелавых партнёраў.

Ілья КРЫЖЭВІЧ

krуzhеvісh@zvіаzdа.bу

Загаловак у газеце: Усе дарогі вядуць у Мінск

Выбар рэдакцыі

Грамадства

Пастырскае Пасланне Мітрапаліта Тадэвуша Кандрусевіча на Вялікдзень

Пастырскае Пасланне Мітрапаліта Тадэвуша Кандрусевіча на Вялікдзень

Глыбокапаважаныя святары, кансэкраваныя асобы, браты і сёстры!

Грамадства

Рэспубліканскі суботнік прайшоў у Беларусі

Рэспубліканскі суботнік прайшоў у Беларусі

Ён прымеркаваны да Года малой радзімы.

Культура

Карэспандэнты «Звязды» сустрэліся са сваячкай Паўліны Мядзёлкі

Карэспандэнты «Звязды» сустрэліся са сваячкай Паўліны Мядзёлкі

12 верасня 1893 года ў сям'і Вінцэнта і Францішкі Мядзёлкаў нарадзілася дачка, якой далі прыгожае імя Паўліна. 

Культура

Вольга Падгайская: Калі праект і здараецца, то ў якасці ледзь не выключэння

Вольга Падгайская: Калі праект і здараецца, то ў якасці ледзь не выключэння

Гэта трэба, канешне, проста паслухаць — музыку аднаго з найдзіўнейшых сучасных беларускіх кампазітараў.