Вы тут

Мінскія абласныя «Дажынкі-2017» адбудуцца 7 кастрычніка


Мінскі абласны фестываль-кірмаш працаўнікоў сяла «Дажынкі-2017» адбудзецца 7 кастрычніка ў Смалявічах. Арганізатары абяцаюць зрабіць яго відовішчным і непаўторным.


Дзвесце суб'ектаў гаспадарання прывязуць свае тавары, прадукты на свята. Пакупнікоў чакаюць зніжкі ад вытворцаў, акцыі. Беларускае таварыства паляўнічых і рыбаловаў прапануе стравы з дзічыны і рачной рыбы. Дзяцей чакае «Салодкі фэст». Кандытары прыгатуюць для маленькіх гурманаў бісквіты, марожанае, іншыя ласункі. У гастранамічнай зоне можна будзе пакаштаваць папулярныя стравы нацыянальнай кухні. У «Сырнай сядзібе» ёсць шанц выйграць цэлую галоўку сыру: дастаткова адолець лабірынт або падняць штангу.

Будзе таксама працаваць выстаўка-кірмаш Барысаўскай епархіі Беларускай праваслаўнай царквы: лаўка абразоў, царкоўных прылад і кніг, а таксама манастырская лаўка з прадукцыяй асабістай вытворчасці (мёд, малочныя вырабы, гародніна, выпечка).

На «Свяце хлеба» чакаюць сапраўдных гросмайстраў: шахматныя партыі тут разыграюць фігурамі з пернікаў. На пляцоўцы «Каравайная» будуць выстаўлены караваі ўсіх раёнаў Міншчыны, у тым ліку галоўны абласны каравай.

Аматарам піва афіцыянты прапануюць новыя гатункі пеннага напою. Установы прафесійнай адукацыі прадставяць прадукцыю вучнёўскіх бізнес-кампаній, гаспадарак.

Пасля ўрачыстага адкрыцця Маладзёжнага цэнтра пачнецца шэсце «А ў нас сёння «Дажыначкі».

Галоўная дзея — узнагароджанне перадавікоў — пачнецца а 14-й гадзіне. Затым — выступленні аматарскіх калектываў мастацкай творчасці Міншчыны і прафесійных выканаўцаў. У тым ліку Нацыянальнага акадэмічнага народнага хору Беларусі імя Г. Цітовіча, сольны канцэрт Дзмітрыя Калдуна. Завершыцца мерапрыемства святочным феерверкам.

Таццяна ЛАЗОЎСКАЯ

lazovskaya@zviazda.by

Выбар рэдакцыі

Грамадства

Нацыянальная акадэмія навук ініцыюе стварэнне народнага летапісу Вялікай Айчыннай вайны

Нацыянальная акадэмія навук ініцыюе стварэнне народнага летапісу Вялікай Айчыннай вайны

Навукоўцы звяртаюцца да кіраўніцтва абласных і раённых выканаўчых камітэтаў, устаноў адукацыі і культуры, грамадскіх арганізацый, усіх зацікаўленых грамадзян з просьбай разгарнуць работу па зборы ўспамінаў і фатаграфій удзельнікаў падзей Вялікай Айчыннай вайны.

Грамадства

Зіновій Прыгодзіч. Успаміны пра архітэктара Леаніда Левіна. Пайшоў, каб застацца...

Зіновій Прыгодзіч. Успаміны пра архітэктара Леаніда Левіна. Пайшоў, каб застацца...

З Леанiдам Левiным, славутым нашым архiтэктарам, мяне пазнаёмiў Генадзь Бураўкiн — яго даўнi, харошы сябра.

Грамадства

«Дзякуй участковаму — ён нас добра беражэ». Як міліцыя праводзіць прафілактычны рэйд падчас сітуацыі з каранавірусам

«Дзякуй участковаму — ён нас добра беражэ». Як міліцыя праводзіць прафілактычны рэйд падчас сітуацыі з каранавірусам

«Без мiлiцыi мы нiяк», — рэзюмаваў Прэзiдэнт Беларусi Аляксандр Лукашэнка падчас сустрэчы з мiнiстрам унутраных спраў Юрыем Караевым, маючы на ўвазе сiтуацыю з каранавiрусам. 

Грамадства

Чым сябе заняць на самаiзаляцыi?

Чым сябе заняць на самаiзаляцыi?

Урачы па ўсiм свеце запусцiлi флэшмоб #StayAtHome.