Больш за 300 з 489 пацярпелых пры стральбе ў Лас-Вегасе выпісаны з бальніц, паведамляюць інфармацыйныя агенцтвы са спасылкай на шэрыфа Лас-Вегаса Джозефа Ламбарда.
Адзначаецца, што віноўнік трагедыі Стывен Пэддак на працягу дзесяцігоддзяў збіраў зброю і вёў тайнае жыццё. У яго аўтамабілі знойдзена 1,6 тыс. адзінак боепрыпасаў і некалькі кантэйнераў з выбуховым рэчывам вагой больш за 20 кг (узрыўчатка, з якой вырабляюцца так званыя ўзрыўчатыя мішэні для стральбы з пнеўматычнай зброі).
Раней, паводле даных шэрыфа, Пэддак спыняўся ў іншай гасцініцы Лас-Вегаса, калі там праходзіў фестываль альтэрнатыўнай музыкі. Ён меў намер збегчы, знойдзены кавалак жоўтай паперы, як лічаць улады, не быў перадсмяротнай запіскай.
Лас-Вегас наведаў прэзідэнт ЗША Дональд Трамп.
Як паведамлялася, у мінулыя выхадныя 64-гадовы мужчына адкрыў агонь па наведвальніках кантры-фестывалю Route 91 Harvest Festival з нумара гасцініцы Mandalay Bay на 32-м паверсе, а затым скончыў жыццё самагубствам. Трагедыя стала самым масавым расстрэлам у сучаснай гісторыі ЗША.
Стывен Пэддак страляў каля дзевяці мінут. Яго называюць забойцам-адзіночкам і выключаюць сувязь з тэрарызмам.
Набор на бюджэтныя месцы павялічыцца.
Колькі ж каштуе гэты важны кампанент здаровага рацыёну зараз?
Не выявіць ні секунды абыякавасці.