Мерапрыемства пройдзе ў пасёлку Зялёнае ў Мінскім раёне побач з корпусам №10 педагагічнага ўніверсітэта.
Удзельнікаў свята чакае яркая і насычаная конкурсная праграма: прэзентацыя камандамі факультэтаў і інстытутаў БДПУ тэматычных інтэрактыўных пляцовак-фотазон; абарона візітоўкі і экіпіроўкі членаў каманды, дэманстрацыя вырабаў дэкаратыўна-прыкладнога мастацтва з гарбуза (элементаў адзення, пано, аксесуараў і г.д.), кулінарны паядынак “Смачна і карысна” (дэгустацыя і абарона страў з гарбуза), творчы нумар “Мы ў тэме!” (песня, ода, верш, гумарыстычная замалёўка і інш).
У рамках фестывалю будзе арганізавана ўзважванне гарбузоў і вызначаны самы цяжкі ў намінацыі “Усім гарбузам гарбуз”.
На працягу ўсяго фестывалю будуць працаваць гульнявыя пляцоўкі, буфет і пройдзе кірмаш, дзе ўсе ахвотныя змогуць абмяняцца адзін з адным сезоннай прадукцыяй — гароднінай, садавіной, ягадамі, саджанцамі, кветкамі і насеннем. Падарункам для ўсіх стане салодкая каша з гарбузом, прыгатаваная па фірмовым рэцэпце кухараў гандлёвага комплексу БДПУ.
Таксама перад гасцямі фэсту выступяць творчыя калектывы і сольныя выканаўцы Беларускага дзяржаўнага педагагічнага ўніверсітэта: народны ансамбль беларускай музыкі і песні “Ярыца”, танцавальны праект "Арт-Юніці”, мужчынская вакальная група “Модус” і іншыя.
Пачатак мерапрыемства ў 11.00. У пасёлак Зялёнае з Мінска ходзіць электрычка.
Надзея НІКАЛАЕВА
Расказаў першы намеснік старшыні Дзяржаўнага камітэта па навуцы і тэхналогіях Рэспублікі Беларусь Дзяніс Каржыцкі.
Як вакцыны выратоўваюць жыцці і чаго можа каштаваць іх ігнараванне?
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
Васілеўскія такія: на Зямлі і ў космасе ліхія!
