Фея Юлія. Менавіта так называюць Юлію Прасанаву ўсе знаёмыя, бо жанчына шые казачных шуршунчыкаў. Памер самага маленькага — 4 сантыметры!
Рубчык да рубчыка, радок за радком — чатыры гады мінчанка Юлія Прасанава шые сваіх шуршунчыкаў. Цудоўныя малышы, якія, дарэчы, не толькі прыносяць радасць дзецям і дарослым, але і карысныя для хлопчыкаў і дзяўчынак з пашкоджаннем цэнтральнай нервовай сістэмы.
Незвычайныя цацкі, жывоцікі якіх напоўненыя грачанай лузгой, а лапы — пластыкавымі грануламі, дапамагаюць у развіцці дробнай маторыкі і тактыльных адчуванняў — малеча перебірае пальчыкамі, хутчэй супакойваецца і лягчэй засынае.
Такую ідэю Юліі падказала само жыццё — дачушка Соня нарадзілася раней часу і не дыхала. Мама паралельна з заняткамі ў спецыялістаў па рэабілітацыі дзетак з пашкоджаннем галаўнога мозга выношвала ідэю цудадзейнай цацкі.
І атрымалася!
— Швейнай машынкі ў мяне няма, шыю толькі «на руках», — расказвае Юлія. — А ўсё таму, што працаваць атрымліваецца выключна ноччу, каб нікога не пабудзіць!
І не дзіва, бо ў мамы — шасцёра дзяцей!
Зайкі і мішкі, коцікі і жырафы жывуць не толькі ў нашай краіне, але і далёка за межамі Беларусі.
Марына БЕГУНКОВА, фота аўтара
Мерапрыемства праводзіцца на добраахвотнай аснове.
Не выявіць ні секунды абыякавасці.