Вы тут

Восень у Дзісне - самым маленькім горадзе Беларусі


Горад Дзісна знаходзіцца ў Мёрскім раёне і мае неафіцыйны статус самага маленькага горада Беларусі: у ім пражывае толькі паўтары тысячы чалавек. Сваім выключным геаграфічным местазнаходжанем – населены пункт месціцца адразу на дзвюх буйных рэках, Заходняй Дзвіне і Дзісне, якую гараджане ласкава называюць Дзісёнкай, – сваёй захапляльнай гісторыяй і захаванай архітэктурнай спадчынай, Дзісна выклікае непадробны інтарэс у краязназцаў і аматараў вандраваць па дарогах і рэках нашай Бацькаўшчыны.


У Дзісне захаваліся дзве дзеючыя праваслаўныя цэрквы, касцёл, які няспешна аднаўляецца пасля часоў атэізму, ацалеў і будынак сінаногі. Амаль цалкам захавалася дарэвалюцыйная планіроўка вуліц з яўрэйскімі дамамі-крамамі, старым брукаваным пакрыццём і трафейным жалезным мастом – помнікам інжэнернай і мостабудаўнічай думкі. Дзісна – гэта, бадай, адзіны населены пункт, у якім да нашага часу, як у Брэсцкай крэпасці, захаваліся руіны мінулай вайны – велічны мураваны будынак колішняй бальніцы.   

У горада і дагэтуль неразблытаная гісторыя ў дачыненні даты заснавання -- адны навукоўцы лічаць, што Дзісна вядомая з 1461 года, іншыя сцвярджаюць, што год заснавання горада -- 1301. Паводле звесткаў археолагаў, якія час ад часу даследуюць замчышча на востраве пасярод Дзвіны, пасяленне было заснавана яшчэ напачатку адзінаццатага стагоддзя. Гісторык, мёрскі настаўнік Вітольд Ермалёнак падлічыў, што сёлета спаўняецца 450 год, як у 1567-м кароль Жыгімонт Аўгуст ІІ праз свой афіцыйны прывілей надаў мястэчку Дзісна статус горада і герб "Тры вежы з муру". А само права на самакіраванне Дзісна атрымала ў 1569-м. 

Штогод у Дзісне адбываюцца фэсты ў гонар іконы Божай Маці Адзігітрыі Смаленскай, якія збіраюць сотні праваслаўных вернікаў і гасцей горада.

А яшчэ Дзісна – адзіны горад у Беларусі, у якім працуе водны транстпарт – паром, які злучае Мёрскі і Верхнядзвінскі раёны.

Анатоль Кляшчук, фота аўтара

Выбар рэдакцыі

Грамадства

Амаль кожны дзень на пажарах гінуць людзі. Як не стаць ахвярай агню?

Амаль кожны дзень на пажарах гінуць людзі. Як не стаць ахвярай агню?

З пачаткам ацяпляльнага сезона ў камунальных службаў работы дадаецца ў разы.

Грамадства

Як у маладой рэспубліцы ўвасаблялі амбіцыйны праект універсітэцкага гарадка...

Як у маладой рэспубліцы ўвасаблялі амбіцыйны праект універсітэцкага гарадка...

Асобнае месца займае будынак гімназіі Зубакіна і Фальковіча.

Эканоміка

Баляслаў Пірштук: Будучыня — за «зялёнай» эканомікай

Баляслаў Пірштук: Будучыня — за «зялёнай» эканомікай

З кожным днём на нашых дарогах усё больш электратранспарту.

Грамадства

Добраўпарадкаванне. У гарадах, на сельгаспрадпрыемствах, могілках, уздоўж трас і ў дварах

Добраўпарадкаванне. У гарадах, на сельгаспрадпрыемствах, могілках, уздоўж трас і ў дварах

Да канца года ў краіне павінны ліквідаваць усе міні-палігоны для адходаў.