15 Жнівень, серада

Вы тут

Абмеркавалі прыярытэты лічбавай трансфармацыі эканомікі


У Палаце прадстаўнікоў Нацыянальнага сходу Беларусі абмеркавалі прыярытэты лічбавай трансфармацыі эканомікі і прамысловай палітыкі з нямецкімі калегамі. У дыялогу ўдзельнічалі дэпутаты Палаты прадстаўнікоў, бізнесмены і прадстаўнікі Федэральнага міністэрства эканомікі і энергетыкі Германіі. Асобную ўвагу ўдзялілі пытанню падтрымкі экспарту і прыцягненню прамых замежных інвестыцый.


Паводле слоў старшыні пастаяннай камісіі па прамысловасці, паліўна-энергетычным комплексе, транспарце і сувязі Андрэя Рыбака, наша краіна пачынае ўваходзіць у чацвёртую прамысловую рэвалюцыю Іndustrу 4.0. «Інтэрнэт рэчаў, дапоўненая рэальнасць — гэтымі паняццямі мы сёння толькі пачынаем апераваць. Калі мы спрабуем іх укараніць у заканадаўчую дзейнасць, нам неабходны вопыт, які атрымалі краіны з моцнай эканомікай і вялікай колькасцю рэсурсаў. Без разумення інавацый мы не атрымаем неабходнага эфекту для развіцця нашай эканомікі», — адзначыў у сваім вітальным слове Андрэй Рыбак.

На яго думку, укараненне інфармацыйных тэхналогій у прамысловасць дазволіць аптымізаваць работу шматлікіх працэсаў і скараціць шэраг выдаткаў. «Абмен думкамі з нашымі нямецкімі партнёрамі дазволіць нам зразумець, дзе беларуская прамысловасць сёння запатрабаваная і якую нішу яна зможа заняць у перспектыве. Сёння мы гаворым не пра высокія матэрыі, а пра канкрэтныя рэчы, якія дазволяць нам патрапіць у паток індустрыяльнай рэвалюцыі 4.0 і знайсці сваё месца ў гэтых працэсах», — рэзюмаваў Андрэй Рыбак.

Кіраўнік прадстаўніцтва нямецкай эканомікі ў Беларусі Уладзімір Аўгусцінскі лічыць, што лічбавая трансфармацыя эканомікі — гэта пытанне, якое востра стаіць перад многімі краінамі. «У Беларусі цяпер ідзе падрыхтоўка стратэгічнага дакумента ПВТ 2.0. У сваю чаргу Германія мае добры вопыт у гэтай сферы, і многія напрацоўкі з іх боку могуць быць цікавыя для Беларусі. Акрамя таго, у дзвюх краін шмат агульнага. Яны абедзве маюць падобныя структуры эканомікі — доля прамысловасці складае каля 25%. Для Беларусі таксама будзе цікавы вопыт Германіі па падтрымцы экспарту», — расказаў Уладзімір Аўгусцінскі.

Падчас сустрэчы прадстаўнікі Германіі падзяліліся сваім бачаннем праграмы лічбавай трансфармацыі, вопытам і напрацоўкамі ў гэтай сферы.

Ілья КРЫЖЭВІЧ

krуzhеvісh@zvіаzdа.bу

Загаловак у газеце: Трапіць на хвалю індустрыяльнай рэвалюцыі

Дадаць каментар

Выбар рэдакцыі

Прэзідэнт

Чаму буксуе «аршанская мадэль»?

Чаму буксуе «аршанская мадэль»?

Вынікі рэзананснай камандзіроўкі Прэзідэнта ў Аршанскі раён падвялі на спецыяльнай нарадзе — не абышлося без адставак.

Грамадства

Якія патрабаванні прад'яўляюцца да новых падручнікаў?

Якія патрабаванні прад'яўляюцца да новых падручнікаў?

У наступным навучальным годзе ў беларускіх школах будуць выкарыстоўвацца 44 новыя вучэбныя дапаможнікі. 

Грамадства

Не багі гаршкі абпальваюць...

Не багі гаршкі абпальваюць...

...а ўдзельнікі шостага міжнароднага пленэру ганчароў, які нядаўна прайшоў у вёсцы Гарадная Столінскага раёна.