Вы тут

У сталіцы адкрываецца музей-фабрыка ёлачных цацак


З 10 кастрычніка па 15 студзеня на 5 паверсе гандлёвага цэнтра “Галерэя” будзе працаваць музей, экспазіцыя якога ацэньваецца ў 800 тысяч долараў. Размесціцца тут і філіял мінскай фабрыкі ёлачных цацак “Грай”.


Майстры будуць распісваць, рэзаць, ляпіць на вачах у наведвальнікаў. Упрыгажэнні ручной работы можна набыць — у кошт білета (ад 5 рублёў) уваходзіць зніжка на пакупку. Кожны наведвальнік музея пройдзе шлях даўжынёй у 500 метраў, пазнаёміцца з інтэрактыўнымі экспанатамі, якія  можна і трэба кранаць ды фатаграфаваць. Навагоднія ўпрыгажэнні з Афрыкі, калекцыя дзядоў маразоў розных нацыянальнасцяў, крафтавыя цацкі з дрэва і шкла, шар-рэкардсмен Кнігі рэкордаў Гінеса і многае іншае.     

Пяць прычын наведаць музей-фабрыку

  • №1. Ёлачная цацка — самая папулярная ў свеце, яе любяць усе. Самая дарагая ў гэтай экспазіцыі каштуе 7 тысяч долараў (так яе ацэньваюць на аўкцыёне eBay). Паспрабуйце здагадацца, што за яна!
  • №2. Падчас майстар-класаў можна самастойна пафарбаваць свой шар або паглядзець, як гэта робяць мастакі. Можна падгледзець і ўсе сакрэты вытворчасці. Для вырабу цацак са шкла — тэхнікай фьюзінг — асколкі разаграюць да 900 градусаў, каб яны сплавіліся разам.
  • №3. Стваральнік калекцыі Андрэй Бягун аб’ехаў 52 краіны ў пошуку цацак і атрыбутаў навагодніх свят: драўляныя ёлачныя статуэткі з Конга і Інданезіі, цацкі ў выглядзе жывёл з арнаментам аўстралійскіх абарыгенаў, птушыныя гнёзды для ўпрыгажэння дома з Перу, цацкі, якімі ўпрыгожвалі каралеўскія балы ў Вене і ў выглядзе яек Карла Фабержэ…   
  • №4. Вы ўбачыце першы жывы гарадок. Пры жаданні механічны калядны гарадок можна запусціць, і там ажывуць дамы, ёлка, вуліцы з жыхарамі.    
  • №5. Ёсць шанс набыць ідэальны падарунак сабе і блізкім — крафтавыя ёлачныя цацкі ручной работы са шкла, халоднага фаянсу, шары з лепкай і многае іншае.  

Святлана БАРЫСЕНКА

Выбар рэдакцыі

Грамадства

Валанцёры супраць каранавіруса: адзін дзень з жыцця мінскага хаба ByCovid19

Валанцёры супраць каранавіруса: адзін дзень з жыцця мінскага хаба ByCovid19

Запушчаная кампанія па дапамозе медыкам ByCovid19 перарасла ў буйны «антыкаранавірусны» рух.

Культура

Кіназнаўца Мiкалай Iзволаў: На маёй памяцi адкрыццё такога маштабу здарылася ўпершыню

Кіназнаўца Мiкалай Iзволаў: На маёй памяцi адкрыццё такога маштабу здарылася ўпершыню

Гэта была сенсацыя: у 2018 годзе быў паказаны страчаны фiльм Дзiгi Вертава.

Грамадства

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Спрыяльнае навакольнае асяроддзе ствараецца там, дзе над гэтым працуюць на месцах — у гарадскіх мікрараёнах ці на вясковых падворках і вуліцах

Маленькі прынц у аднайменнай казцы кожны дзень пачынаў з таго, што прыводзіў у парадак сваю планету. 

Калейдаскоп

Вясёлыя гісторыі чытачоў

Вясёлыя гісторыі чытачоў

Чым бы дзіця ні цешылася, абы не плакала. Пажадана, каб нікога да слёз не даводзіла. Але ж бывае па-іншаму.