23 студзеня, аўторак

Вы тут

II адкрытая алімпіяда па сусветнай эканоміцы стартуе ў БДУ


Тэмай інтэлектуальнага спаборніцтва стане міжнародны бізнес. Заяўкі на ўдзел у алімпіядзе прымаюцца з 9 па 22 кастрычніка. Завочны тур пройдзе з 23 кастрычніка па 6 лістапада, адборачны вочны (для студэнтаў) — 29 лістапада.


У гэтым годзе алімпіяда пройдзе ў дзвюх лігах: студэнцкай і школьнай. Да ўдзелу запрашаюцца адзінаццацікласнікі беларускіх школ, а таксама студэнты 2-5 курсаў, магістранты, якія навучаюцца па эканамічных спецыяльнасцях ва ўніверсітэтах розных краін. Выступленні будуць ацэньвацца ў камандным і індывідуальным заліках, але старшакласнікі выступаюць толькі ў камандным заліку.

Праграма алімпіяды для студэнцкай лігі ўключае тры тура: адборачны завочны, вочны і фінальны. На старце ў індывідуальным заліку трэба будзе напісаць эсэ на прапанаваную тэму, а для каманды падрыхтуюць кейс у галіне сусветнай эканомікі. Вочны адборачны тур уключае тэставыя заданні і задачы па сусветнай эканоміцы. Студэнтам трэба будзе прадэманстраваць свае веды таксама ў галіне міжнародных эканамічных адносін, менеджменту і маркетынгу, эканомікі замежных краін, эканамічнай тэорыі, мікраэканомікі, макраэканомікі, веданне фінансавых рынкаў і г.д.

Фінал пройдзе ў фармаце публічнага выступлення. Студэнты выступяць з прапановамі па вырашэнні канкрэтнай эканамічнай задачы альбо дадуць ацэнку прыняццю пэўных рашэнняў. Тут канкурсантам трэба будзе зрабіць акцэнт на магчымасць рэалізацыі ідэй, іх арыгінальнасць, лагічнасць і паслядоўнасць, а таксама прадэманстраваць аратарскае майстэрства.

Асобна пройдзе конкурс на веданне англійскай эканамічнай мовы, які прадугледжвае праверку разумення эканамічных тэкстаў і публічныя выступленні перад журы.

Школьная ліга складаецца з двух этапаў: адборачнага завочнага і фінала. У першым туры неабходна вырашыць крэатыўную бізнес-задачу, звязаную з міжнароднай эканамічнай дзейнасцю беларускіх кампаній. Найлепшыя прапановы будуць прадстаўлены ў фінале перад журы.

Таксама ў рамках алімпіяды запланаваны сустрэчы і майстар-класы з прадстаўнікамі беларускіх арганізацый, дзейнасць якіх звязана з сусветнай эканомікай.

Фінальныя спаборніцтвы ў абедзвюх лігах адбудуцца 30 лістапада.

Пераможцы алімпіяды будуць узнагароджаны дыпломамі I, II, III і ступені, а таксама каштоўнымі падарункамі. Акрамя таго, лепшыя студэнты змогуць прайсці стажыроўку ў вядучых эканамічных арганізацыях Беларусі, а школьнікі —  стаць “студэнтамі на тыдзень” на факультэце міжнародных адносін..

Арганізатарам алімпіяды выступіў факультэт міжнародных адносін БДУ пры падтрымцы міністэрстваў замежных спраў, эканомікі, Місіі Злучанага Каралеўства Вялікабрытаніі і Паўночнай Ірландыі ў Рэспубліцы Беларусь, Банка развіцця нашай краіны, Беларускага інавацыйнага фонду і Асацыяцыі еўрапейскага бізнесу.

Надзея НІКАЛАЕВА

Дадаць каментар

Выбар рэдакцыі

Грамадства

Знайсці працу дапаможа служба занятасці насельніцтва

Знайсці працу дапаможа служба занятасці насельніцтва

Хойніцкі, Брагінскі і Жлобінскі раёны афіцыйна адносяцца да тых, дзе адзначаецца самы высокі ўзровень беспрацоўя — 0,8 %.

Грамадства

Звычайная настаўніца фізікі трапіла на адронны калайдар

Звычайная настаўніца фізікі трапіла на адронны калайдар

Што насамрэч адбываецца на мяжы Швейцарыі і Францыі, дзе на глыбіні каля ста метраў размяшчаецца Вялікі адронны калайдар?

Грамадства

Як мы наведалі курсы перападрыхтоўкі для беспрацоўных

Як мы наведалі курсы перападрыхтоўкі для беспрацоўных

Не так даўно навукоўцы выявілі, што стрэс ад страты або змены месца працы ўваходзіць у топ-3 самых моцных негатыўных перажыванняў сучасных людзей.