Вы тут

Насельніцтва здае валюту


Беларусы ў верасні прадалі наяўнай валюты на 629,4 млн долараў. Купілі ж у абменніках усяго на суму да 407,5 млн долараў. Пры гэтым ужо дваццаць месяцаў нашы людзі застаюцца чыстымі прадаўцамі наяўнай валюты, паведамляецца ў матэрыялах Нацбанка Беларусі.


Такім чынам, у верасні чысты продаж наяўнай валюты склаў 221,9 млн долараў. Увогуле, статыстыка рэгулятара сведчыць аб тым, што з пачатку года насельніцтва прадало наяўнай і безнаяўнай валюты на 6,177 млрд долараў у эквіваленце, а набыла — 4,59 млрд долараў. Чысты продаж замежнай валюты фізічнымі асобамі склаў 1,587 млрд долараў.

З суб'ектамі гаспадарання сітуацыя з валютай крыху іншая. Прадпрыемствы ў верасні зноў сталі чыстымі пакупнікамі, прадаўшы 13,410 млрд долараў і купіўшы 13,841 млрд долараў.

Частка прададзенай грамадзянамі валюты — гэта назапашаныя дэпазіты. Па звестках Нацбанка, летась валютныя дэпазіты фізічных асоб скараціліся на 9,5%, ці амаль на 800 млн долараў.

Як адзначаюць эксперты, у насельніцтва пры зніжэнні ўзроўню даходаў захоўваецца звычка да спажывання, а ў выніку трацяцца зберажэнні. Пры гэтым летам абазначыліся станоўчыя тэндэнцыі ў заработнай плаце. У прыватнасці, сярэдні заробак расце ўжо пяць месяцаў запар. Між іншым за ўвесь мінулы год беларусы прадалі наяўнымі на чыстай аснове 2,441 млрд долараў у эквіваленце, паспрыяўшы прыкметнаму павелічэнню золатавалютных рэзерваў.

Сяргей КУРКАЧ

kurkасh@zvіаzdа.bу

Выбар рэдакцыі

Грамадства

Без памылак нельга рухацца наперад, або Чаму попыт i прапанова пакуль не заўсёды супадаюць

Без памылак нельга рухацца наперад, або Чаму попыт i прапанова пакуль не заўсёды супадаюць

Давайце разам прыгадаем свае першыя крокi ў школе. Што кажа дзецям настаўнiк?

Спорт

Кiнуць выклiк лёсу. Чым жыве паралiмпiйскi спорт у Беларусi

Кiнуць выклiк лёсу. Чым жыве паралiмпiйскi спорт у Беларусi

Як беларусы рыхтуюцца да галоўных стартаў i як развiваецца паралiмпiйскi рух.

Эканоміка

Маладых спецыялістаў у сельскай гаспадарцы вабяць не толькі жыллё і зарплата

Маладых спецыялістаў у сельскай гаспадарцы вабяць не толькі жыллё і зарплата

У сельгаскааператыве «Ніва-2003» Гродзенскага раёна цяпер працуе ажно 11 маладых спецыялістаў.