15 Жнівень, серада

Вы тут

Гюнеш стала найлепшай вакалісткай на конкурсе ў Македоніі


На міжнародным творчым конкурсе MakFest, што праводзіцца з 1986 года, сёлета выступілі 30 выканаўцаў з Македоніі, Балгарыі, Беларусі, Фінляндыі, Швецыі, Азербайджана і іншых краін. Для беларускай артысткі Гюнеш, якая пасля нараджэння сына ўзяла паўзу ў канцэртнай дзейнасці, гэты фестываль стаў пэўным вяртаннем на сцэну.


Трэба адзначыць, вяртанне выйшла яркае і паспяховае. Паводле слоў артысткі, прадстаўленая ёй беларускамоўная песня «Неба» кампазітара Фёдара Жыляка выклікала вельмі цёплую рэакцыю публікі і музычных экспертаў. Больш за тое — за яе прадстаўніцы Беларусі аднадушным рашэннем арганізатараў і дырэкцыі конкурсу быў прысуджаны спецыяльны прыз «Найлепшы вакал MakFest — 2017».

«Дарэчы, для мяне сёлета гэта ўжо другая перамога, — дадае Гюнеш. — Я ўпершыню паўдзельнічала ў міжнародным вакальным анлайн-конкурсе «WAFA onlіne World Sіnger & Song Competіtіon», заснаваным сусветнай федэрацыяй фестываляў і артыстаў WAFA. Пераможцы ў ім вызначаліся галасаваннем міжнароднага журы ў трох катэгорыях — А: выканаўцы ва ўзросце да 18 гадоў; В: вакалісты старэйшыя за 18 гадоў; С: кампазітары і аўтары песень. І мне вельмі прыемна, што ў катэгорыі В Рэспубліка Беларусь апынулася на першым радку».

Вікторыя ЦЕЛЯШУК

tselyashuk@zviazda.by

Дадаць каментар

Выбар рэдакцыі

Прэзідэнт

Чаму буксуе «аршанская мадэль»?

Чаму буксуе «аршанская мадэль»?

Вынікі рэзананснай камандзіроўкі Прэзідэнта ў Аршанскі раён падвялі на спецыяльнай нарадзе — не абышлося без адставак.

Грамадства

Якія патрабаванні прад'яўляюцца да новых падручнікаў?

Якія патрабаванні прад'яўляюцца да новых падручнікаў?

У наступным навучальным годзе ў беларускіх школах будуць выкарыстоўвацца 44 новыя вучэбныя дапаможнікі. 

Грамадства

Не багі гаршкі абпальваюць...

Не багі гаршкі абпальваюць...

...а ўдзельнікі шостага міжнароднага пленэру ганчароў, які нядаўна прайшоў у вёсцы Гарадная Столінскага раёна.