20 студзеня, субота

Вы тут

БЧ правядзе фестываль тэатральнага майстэрства "Тэатральная восень"


Мерапрыемства, прымеркаванае да 155-годдзя Беларускай чыгункі, адбудзецца на базе Культурна-спартыўнага цэнтра (КСЦ) Брэсцкага аддзялення Беларускай чыгункі 20-21 кастрычніка. Фестываль праводзіцца сярод тэатральных калектываў аматарскай мастацкай творчасці арганізацый беларускай магістралі. Яны прадставяць аднаактавыя або шматактавыя спектаклі, або тэатралізаваныя кампазіцыі замежных і айчынных аўтараў, сярод якіх Андэрсан, Распуцін, Чэхаў, Бялоў, Шынкарэнка, Пятроў-Пірьян і іншыя, паведамілі ў прэс-службе магістралі.


Фота: compassphs.com

Адкрыецца фестываль 20 кастрычніка спектаклем народнага тэатра Брэсцкага КСЦ “У кожнага свая зорка”. Сваю работу прадставіць народны тэатр “Сінтэз” Віцебскага КСЦ — спектакль “Стомлены д'ябал”. Два спектаклі Мінскага КСЦ, сярод якіх “Прынцэса на гарошыне” ў выкананні ўзорнага тэатра лялек сталічнага Палаца культуры і спорту і спектакль народнага тэатра Аршанскага ДКЖ “Жаночы размова”. Завершыцца першы фестывальны дзень спектаклем народнага тэатра “Золак” Магілёўскага КСЦ “Магілёўская юшка”.

Праграма другога дня фестывалю будзе прадстаўлена спектаклем народнага тэатра Брэсцкага КСЦ “Цешча напракат”, некалькімі мініяцюрамі Баранавіцкага КСЦ і спектаклем тэатр-студыі “Класік” Гомельскага КСК “Мемуары гарадоў”.

Па выніках фестывалю тэатральныя калектывы будуць узнагароджаны памятнымі падарункамі і дыпломамі па намінацыях: “За арыгінальнасць рэжысуры", "За лепшае сцэнічнае ўзаемадзеянне ў акцёрскім калектыве”, “Лепшае сцэнічнае рашэнне твораў нацыянальнай драматургіі”, “Лепшая сцэнаграфія”, “Лепшая мужчынская роля”, “Лепшая жаночая роля”, “Лепшая мужчынская роля другога плана”, “Лепшая жаночая роля другога плана”, "Паспяховы дэбют". У рамках фестывалю прадугледжана правядзенне творчага “круглага стала” кіраўнікоў тэатральных калектываў і членаў журы.

Даведка. У цяперашні час у падраздзяленнях культуры Беларускай чыгункі працуюць 44 калектывы аматарскай мастацкай творчасці, якія маюць званні: “заслужаны аматарскі калектыў Рэспублікі Беларусь” — 5 калектываў, “узорны” — 11 калектываў, “народны” — 28 калектываў. Усяго ў іх займаюцца больш як 1250 чалавек.

Сяргей РАСОЛЬКА

Дадаць каментар

Выбар рэдакцыі

Грамадства

Звычайная настаўніца фізікі трапіла на адронны калайдар

Звычайная настаўніца фізікі трапіла на адронны калайдар

Што насамрэч адбываецца на мяжы Швейцарыі і Францыі, дзе на глыбіні каля ста метраў размяшчаецца Вялікі адронны калайдар?

Грамадства

Як мы наведалі курсы перападрыхтоўкі для беспрацоўных

Як мы наведалі курсы перападрыхтоўкі для беспрацоўных

Не так даўно навукоўцы выявілі, што стрэс ад страты або змены месца працы ўваходзіць у топ-3 самых моцных негатыўных перажыванняў сучасных людзей. 

Грамадства

Як беларускія дзяўчаты частавалі ліванцаў стравамі з бульбы

Як беларускія дзяўчаты частавалі ліванцаў стравамі з бульбы

Ваенныя медыкі Вера Паўлянковіч і Вольга Яхнавец  былі ў Ліване з міратворчай місіяй.