Дні нямецкага кіно пройдуць у Гомелі 23-25 кастрычніка пры садзейнічанні пасольства Федэратыўнай Рэспублікі Германія, паведамілі ў КУП "Гомелькінавідэапракат".
Паказы адбудуцца ў кінатэатры "Мір". Гледачы ўбачаць тры мастацкія фільмы розных жанраў на нямецкай мове з рускімі субтытрамі.
Праграму дзён адкрые 23 кастрычніка палітычны дэтэктыў "Жыццё іншых". Гэта фільм аб татальным кантролі над культурным жыццём Усходняга Берліна агентамі міністэрства дзяржаўнай бяспекі ГДР (Штазі). Карціна стала ўладальнікам "Оскара" 2007 года ў намінацыі "Лепшы фільм на замежнай мове". Раней у Германіі фільм атрымаў сем прэмій Deutscher Filmpreis. Таксама кінастужка ўдзельнічала ў намінацыі "Лепшы фільм на замежнай мове" прэміі "Залаты Глобус". Па ўсім свеце касавыя зборы карціны склалі больш за $ 77 млн пры бюджэце ў $ 2 млн. 24 кастрычніка да паказу запланавана камедыя "Зачетный препод", а завершыць культурную акцыю 25 кастрычніка сямейная драма "Усходні вецер".
Фестываль прымеркаваны да 25-годдзя аднаўлення дыпламатычных адносін паміж Беларуссю і Германіяй. У цырымоніі адкрыцця чакаецца ўдзел аташэ па пытаннях культуры і прэсы Мерле Варнеке.
Уваход на кінасеансы вольны.
У парадку дня — зацвярджэнне Канцэпцыі нацбяспекі і Ваеннай дактрыны.
Фіналістка праекта «Акадэмія талентаў» на АНТ — пра творчасць і жыццё.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.