Абласны фестываль працаўнікоў вёскі "Дажынкі-2017" пройдзе 17 лістапада ў Жыткавічах, паведамілі ў прэс-службе аблвыканкама.
Рашэнне аб правядзенні мерапрыемства прынята членамі абласнога выканаўчага камітэта, зацверджаны склад аргкамітэта.
Улады Жыткавіцкага раёна ўжо намецілі планы па падрыхтоўцы райцэнтра да фестывалю-кірмашу, аб праграме і творчым напаўненні якога стане вядома пазней. Традыцыйна гасцей свята чакаюць масавыя гулянні, кірмашы харчовых і нехарчовых тавараў, выставы народнай творчасці, выступы артыстаў. Але галоўным мерапрыемствам фестывалю стане ўшанаванне кіраўнікоў раёнаў, гаспадарак, механізатараў, вадзіцеляў - тых, хто ўнёс найбольшы ўклад у абласны каравай, дамогся высокіх вынікаў на нарыхтоўцы кармоў, выгадаваў дастойны ўраджай сельскагаспадарчых культур.
Сталіцай "Дажынак" Гомельскай вобласці ў мінулым годзе быў Рагачоў. Мерапрыемства, на якім падводзяцца вынікі сельскагаспадарчага года, прымеркавана да прафесійнага свята аграрыяў краіны - Дня работнікаў сельскай гаспадаркі і перапрацоўчай прамысловасці аграпрамысловага комплексу. Ён адзначаецца ў Беларусі ў трэцюю нядзелю лістапада.
А разам з імі навучанне, сацпакет і нават жыллё.
Беларусь — адзін з сусветных лідараў у галіне здабычы і глыбокай перапрацоўкі торфу.
«Мы зацікаўлены, каб да нас прыязджалі».