Вы тут

Топ-8 беларускіх слоў і выразаў, якія вы маглі не ведаць


Штотыдзень у эфіры тэлеканала «Беларусь 3» тэлевіктарына «Размаўляем па-беларуску». Для таго каб стаць яе ўдзельнікамі, неабходна зайсці на сайт tvrgоmеl.bу або 3bеlаrus.bу і праз банер «Размаўляем па-беларуску» запоўніць заяўку на каманду з трох чалавек. Ну, а праверыць сваё веданне роднай мовы пасля таго, як праграма выйшла ў эфір, можна з дапамогай «Звязды».


Ці ведалі вы, што:

ца́ля — мера даўжыні, роўная 2,54 см;

альяс — расліна з тоўстымі прадаўгаватымі калючымі лістамі; алоэ;

гарба́рня — майстэрня па вырабе шкур;

круце́ль — хітры чалавек, махляр;

цэбар — круглая драўляная пасудзіна з клёпак з двума вушкамі;

пазу́р (абласное слова) — кіпцюр, ногаць;

птушка невысокага палёту — нязначны, малаважны, неўплывовы чалавек. Беларускія сінонімы: апошняя спіца ў коле, адстаўной казы барабаншчык; рускі сінонім: малая сошка;

пусці павалюся — 1) вельмі дрэнны; 2) вельмі дрэнна, без ахвоты і старання працаваць, нешта рабіць (беларусы яшчэ скажуць: курам на смех, абы з рук, адны слёзы, глядзець няма на што, з рук вон, ні к чорту; рускія: без слёз не глянешь, спустя рукава, так-сяк накосяк).

Чарговыя выпускі тэлевіктарыны глядзіце ў эфіры «Беларусь 3» раніцай кожную суботу.

Ірына АСТАШКЕВІЧ

іost@zvіazda.by

Загаловак у газеце: Пазур з цалю

Выбар рэдакцыі

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».