Вы тут

Футбалісты барысаўскага БАТЭ перамаглі нямецкі «Кёльн»


Футбалісты барысаўскага БАТЭ ў дамашнім матчы перамаглі нямецкі «Кёльн» з лікам 1:0.

Лёс паядынку вырашыў адзіны гол гаспадароў — праз 10 хвілін пасля пачатку другога тайма лік адкрыў Аляксей Рыас. Пагроза каля варот гасцей стваралася неаднаразова, Гардзяйчук і Валадзько не змаглі рэалізаваць небяспечныя моманты, таму перамога атрымалася з мінімальным лікам. Гэтая вікторыя пакінула барысаўскаму клубу рэальныя шанцы працягнуць барацьбу за выхад у плэй-оф Лігі Еўропы.


— Самае галоўнае — гэта перамога. Каб захоўваць шанцы на выхад з групы, трэба было браць тры ачкі, — адзначыў галоўны трэнер БАТЭ Аляксандр Ермаковіч. — Першы тайм у нас зусім не атрымаўся, гульцы проста не паспявалі за сапернікамі з «Кёльна». Там іншы футбол, іншыя хуткасці. Ведалі, што ў другім тайме нам будзе лягчэй. Сапраўды, «Кёльн» пачаў стамляцца, аслабла канцэнтрацыя. А як мы забілі, сапернік і зусім раскрыўся. У нас з'явілася прастора, з'явіліся контратакі. Шкада, што не забілі другі гол, які загадзя зняў бы ўсе пытанні. Але на апошніх хвілінах маглі прапусціць і самі...

У іншым паядынку трэцяга тура групы Н сербская «Црвена Звезда» прымала англійскі «Арсенал» з Лондана і саступіла з тым жа мінімальным лікам 0:1.

Турнірнае становішча пасля першага круга: «Арсенал» — 9 ачкоў (розніца мячоў — 8—3), «Црвена Звезда» — 4 (2—2), БАТЭ — 4 (4—5), «Кёльн» — 0 (1—5).

У наступным туры 2 лістапада футбалісты БАТЭ згуляюць у гасцях у «Кёльна», у Лондане «Арсенал» прыме «Црвену Звезду».

Загаловак у газеце: Поспех, які захаваў шанцы

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.