20 Люты, аўторак

Вы тут

У Смаргонскім раёне распачаў работу вадзяны млын-музей


У вёсцы Жодзішкі Смаргонскага раёна Гродзенскай вобласці нядаўна распачаў сваю работу дзеючы вадзяны млын-музей. Яго стварыў ураджэнец названага старажытнага паселішча, руплівы мінскі прадпрымальнік Францішак Жылка. Упершыню млын упамінаецца ў пісьмовых крыніцах у 1620 годзе. Доўгі час ім валодалі Жылкавы продкі. Потым млын прыйшоў у заняпад. У суверэннай Беларусі яго гаспадаром стаў дбайны іх нашчадак Францішак Баляслававіч. Ён прывёў млын у дзеючы стан. Аднавяскоўцы атрымалі магчымасць малоць зерне. А госці — атрымліваць задавальненне ад наведвання такога цікавага аб'екта і выхоўвацца на нацыянальнай спадчыне.


Шмат хто гаворыць аб захаванні зробленага нашымі продкамі для будучых пакаленняў. Але ж іх словы разыходзяцца са справамі... У гэтым сэнсе Францішак Жылка вельмі вылучаецца: гаворыць ён мала, а робіць шмат. Вырашыў арганізаваць музей этнаграфічных помнікаў — і ажыццявіў задуманае. Музеем стаў не толькі сам вадзяны млын. Яго ўнутраныя памяшканні насычаны шматлікімі рарытэтнымі экспанатамі — сапраўднымі і дзеючымі. Яны яскрава апавядаюць аб жыцці і працы селяніна-хлебароба. Наведвальнікі ўбачаць саху, ручныя малатарні і веялкі, сярпы, ганчарны круг, дрэваапрацоўчыя прылады. Шырока прадстаўлена ткацтва. Нават можна паспрабаваць прасці кудзелю, ткаць на кроснах.

Мінчанку Жанну Сароку падчас экскурсіі вельмі ўразіў цэп для абмалоту збажыны. Ёй здавалася, што заўжды існаваў нейкі камбайн — хоць і драўляны. А як смачна пахне жытні хлеб, выпечаны з мукі, якую змалолі жорны млына!..

Млын-музей будзе не толькі захоўваць спадчыну нашых продкаў. Яго экспанаты адначасова асвятляюць веліч сучаснасці. Пераканаўча паказваюць дасягненні беларускага народа ў ХХ стагоддзі і ў сучаснай суверэннай Беларусі — ад сахі, сярпа, цэпа — да трактара, камбайна, аўтамашыны. Нашы сучаснікі ўбачаць, што не было раней такой тэхнікі, такога становішча, як сёння.

Млын будзе натхняць розныя пакаленні на вялікія здзяйсненні для росквіту роднай Беларусі.

Іван ЯРАШЭВІЧ

Загаловак у газеце: Млын-музей

Дадаць каментар

Выбар рэдакцыі

Грамадства

Ужо каторы год жыхары змагаюцца супраць агульнай паркоўкі ў двары

Ужо каторы год жыхары змагаюцца супраць агульнай паркоўкі ў двары

Гаспадары двара расказваюць, што раней тры заезды ў двор перакрывалі дэкаратыўныя металічныя вароты, унутр аўтамабілі маглі трапіць толькі праз вялікую арку з боку вуліцы Янкі Купалы.

Спорт

Штотыднёвы спартыўны агляд «Звязды»

Штотыднёвы спартыўны агляд «Звязды»

Пра соты фінал у кар'еры Максіма Мірнага, поспехі беларускіх самбістаў на дамашнім турніры і выступленні нашых гандбольных клубаў у Еўропе.

Культура

Cабраны пераклады верша Янкі Купалы «А хто там ідзе» на 101 мову свету

Cабраны пераклады верша Янкі Купалы «А хто там ідзе» на 101 мову свету

«Беларуская Энцыклапедыя імя Петруся Броўкі» адправіла ў друкарню выданне «А хто там ідзе: на мовах свету».

Палітыка

Прэзідэнт паўдзельнічаў у выбарах і адказаў на пытанні журналістаў

Прэзідэнт паўдзельнічаў у выбарах і адказаў на пытанні журналістаў

За каго аддаць свой голас, якога кандыдата лепей абраць у дзень выбараў у мясцовыя Саветы дэпутатаў?