Прычынай таму, часцей за ўсё, з'яўляецца дэфіцыт касцявой тканкі. Курэнне і дрэнная гігіена ротавай поласці адносяцца да асноўных проціпаказанняў.
У стаматалогіі сёння вылучаюць імплантацыю адна- і двухэтапную.
Двухэтапныя імплантаты — класічныя — найбольш распаўсюджаныя. Сам імплантат, які замяшчае корань зуба і размяшчаецца ў касцявую тканку, знешне падобны на вінт, мае складаную структуру і падбіраецца індывідуальна. Сучасныя дэнтальныя імплантаты вырабляюцца з высакаякаснага сплаву тытану, які валодае найбольш высокай біялагічнай сумяшчальнасцю з нашым арганізмам. Знешняя частка імплантата — абатмент — гэта тая частка, што знаходзіцца над дзясной, на яе мацуецца зубная каронка. Устаноўка абатмента ажыццяўляецца праз 4—6 месяцаў пасля ўстаноўкі ўнутрыкасцявой часткі або непасрэдна пасля ўжыўлення імплантата. Зубная каронка — бачная частка канструкцыі — штучны зуб, які фіксуецца на абатмент і выглядае як сапраўдны.
Аднаэтапныя імплантаты адрозніваюцца тым, што канструкцыя імплантат-абатмент ад самага пачатку адзіная, што дазваляе скараціць час лячэння. Нагрузка на імплантат каронкай адбываецца праз 3—5 дзён.
— Перавагай усіх методык імплантацыі з'яўляецца магчымасць замяніць дэфект зубнога шэрагу без выкарыстання «суседніх» зубоў, няма неабходнасці іх «абпільваць» і выкарыстоўваць у якасці апоры пад мостападобны пратэз, — адзначае загадчыца стаматалагічнага платнага аддзялення 4-й гарадской клінічнай стаматалагічнай паліклінікі г. Мінска Алена ВЯЧЭРСКАЯ. — Імплантацыя дапамагае пацыентам з поўнасцю бяззубай сківіцай і дае магчымасць пратэзавання здымнымі або няздымнымі канструкцыямі. Ужыўленне ў касцявую тканку сківіцы імплантатаў папярэджвае страту косці там, дзе няма зуба, бо косць без адпаведнай нагрузкі пачынае хутка змяншацца.
Магчымасць правядзення дэнтальнай імплантацыі вызначае спецыяліст-стаматолаг пасля агляду ротавай поласці, правядзення рэнтгеналагічнага даследавання, атрымання вынікаў аналізаў.
Тэрмін службы імплантатаў розны — ад некалькіх гадоў да 10—25 у залежнасці ад стану здароўя, гігіены ротавай поласці, выканання рэкамендацый урача.
Святлана Барысенка
Фіналістка праекта «Акадэмія талентаў» на АНТ — пра творчасць і жыццё.
Амаль тысяча дзвесце чалавек сабраліся, каб вырашаць найважнейшыя пытанні развіцця краіны.
Аляксандр Курэц – самы малады народны выбраннік у сваім сельсавеце і адзіны дэпутат сярод сваіх калег па службе.
