Вы тут

Мар'іна Горка прыняла гасцей фестывалю «Напеў зямлі маёй»


Чатырнаццаты раз горад Мар'іна Горка прымаў удзельнікаў і гасцей абласнога фестывалю народнай творчасці «Напеў зямлі маёй».


Мерапрыемства, якое ўпершыню стартавала ў Пухавіцкім раёне ў 2001 годзе і атрымала тут пастаянную прапіску, лічыцца галоўным форумам аматарскай творчасці Мінскай вобласці і ахоплівае ўсю жанравую палітру народнага мастацтва. У межах фестывалю адбылася творчая імпрэза «Песняры беларускага слова», прысвечаная 135-годдзю з дня нараджэння Янкі Купалы і Якуба Коласа, урачыстасці з нагоды святкавання Дня работнікаў культуры, канцэрт Нацыянальнага акадэмічнага народнага аркестра Беларусі імя І. Жыновіча, конкурс «На хвалях творчасці».

У конкурснай праграме ўзялі ўдзел 23 аматарскія калектывы народнай творчасці з усіх рэгіёнаў Міншчыны, для якіх фестываль з'яўляецца своеасаблівым экзаменам, вынікам творчай дзейнасці. Кожны з іх прадэманстраваў свае талент і прафесіяналізм. Выступленні ацэньвала журы на чале з кампазітарам Ігарам Лучанком. У складзе яго і такія аўтарытэтныя асобы, як мастацкі кіраўнік Нацыянальнага акадэмічнага народнага хору імя Г. Цітовіча Міхаіл Дрынеўскі.

Гран-пры фестывалю — мікрааўтобус — дастаўся Смалявіцкаму раёну, які прадстаўлялі народны ансамбль «Пліса» Акцябрскага сельскага дома культуры, узорны духавы аркестр і народны вакальны ансамбль «Ад шчырага сэрца» дзіцячай школы мастацтваў.

Не засталіся без узнагарод і іншыя пераможцы і ўдзельнікі конкурсу. Ім уручаны камплекты гукаўзмацняльнай апаратуры, камп'ютары, мікрафоны.

Дадам, «Напеў зямлі маёй» — галоўная культурная падзея ў жыцці вобласці. Гэтаму форуму народных талентаў удзяляецца асаблівая ўвага з боку Мінаблвыканкама.

Таццяна ЛАЗОЎСКАЯ

lazovskaya@zviazda.by

Загаловак у газеце: Напеў зямлі маёй

Выбар рэдакцыі

Культура

Чым сёлета будзе здзіўляць наведвальнікаў «Славянскі базар у Віцебску»?

Чым сёлета будзе здзіўляць наведвальнікаў «Славянскі базар у Віцебску»?

Канцэрт для дзяцей і моладзі, пластычны спектакль Ягора Дружыніна і «Рок-панарама».

Грамадства

Час клопату садаводаў: на якія сарты пладовых і ягадных культур варта звярнуць увагу?

Час клопату садаводаў: на якія сарты пладовых і ягадных культур варта звярнуць увагу?

Выбар саджанца для садавода — той момант, значнасць якога складана пераацаніць.

Культура

Вольга Здзярская: Для мяне мая прафесія — жыццё

Вольга Здзярская: Для мяне мая прафесія — жыццё

Актрыса НАДТ імя М. Горкага — пра шлях да сцэны і натхненне.

Грамадства

«Любоў — галоўнае, што бацькі павінны даць сваім дзецям»

«Любоў — галоўнае, што бацькі павінны даць сваім дзецям»

Тата і мама — два самыя важныя чалавекі ў жыцці кожнага дзіцяці.